अन्नपूर्ण हिमश्रृंखला, फेवा ताल र सिंगो पोखरा उपत्यका चियाउन मिल्ने गरी पोखरा वडा १८ मा सराङ्कोट माउण्टेन लजले सेवा आरम्भ गरेको छ।
अतिथि सत्कारको क्षेत्रमा अग्रणी वाराही हस्पिटालिटी ग्रुपको तेश्रो होटलको रुपमा यो होटल सफ्ट ओपनिङ गरी गएको दसैंदेखि संचालनमा ल्याइएको हो। कुल ३५ करोड रुपैयाँको लागतमा होटल निर्माण गरिएको बाराही हस्पिटालिटी ग्रुपका कार्यकारी निर्देशक विप्लव पौडेलले जानकारी दिए। युवा होटल व्यवसायी नारायण पहारीको पनि सो होटलमा लगानी छ। पहारी नेप्लिज इन्काउण्टरका प्रमुख हुन्। होटलमा कुल ३० डिलक्स कोठाहरु रहेका छन्। दुई सुइट रुमहरु भने निर्माणको क्रममा रहेका छन्।
बाराही ग्रुपले यसअघि पोखरा लेकसाइडमा होटल वाराही, चितवनको मेघौलीमा वाराही जंगल लज संचालनमा ल्याइसकेको छ भने काठमाडौंमा वाराही प्लाजा नाम दिएर नयाँ होटल निर्माण भइरहेको वाराही होटल पोखराका जनरल म्यानेजर राजकुमार केसीले जानकारी दिए।
समुन्द्र सतहबाट १ हजार ६ सय मिटर उचाईमा रहेको सराङ्कोट डाँडाको कुल आठ रोपनी क्षेत्रफलमा बनेको होटल वरपर हरियाली जंगल रहेको छ। होटलको माथिल्लो तलामा स्वीमिङ पुल स्थापना गरिएको छ। होटलमा एक रात बिताउन एक जोडीले अहिले १० हजार रुपैयाँ तिर्नुपर्छ। एक जनाका लागि भने ८ हजार रुपैयाँ शुल्क निर्धारण गरिएको छ। होटलको ग्राण्ड ओपनिङ पछि भने जोडीका लागि शुल्क १२ हजार रुपैयाँ नाघ्ने जनाइएको छ।
वाराही ग्रुपका सिष्टम एण्ड डेभलपमेण्ट म्यानेजर प्रदीप न्यौपानेका अनुसार होटलमा ८० जना क्षमताको कन्फरेन्स हल, सोभन्दा बढी क्षमताको रेष्टुरेण्ट, मसाज सुविधा लगायतका सेवा पनि संचालनमा रहेका छन्। छिट्टै ग्राण्ड ओपनिङ गरिने होटलको रुम र रुमको बाल्कोनीबाट हिमाली दृष्य अवलोकन गर्न सकिन्छ। ४५ प्रतिशत स्थानीय कच्चा पदार्थ प्रयोग गरी निर्माण गरिएको होटलमा हाल ३२ जना कर्मचारीले रोजगारी पाएका छन्। होटलमा बोरिङ गरी पानी निकालिएको छ। १४ घण्टामा ४० हजार लिटर पानी निकाल्न सक्ने वोरिङको ३० प्रतिशत पानी स्थानीय जनतालाई उपलब्ध गराइएको छ।
लजले तोरीपानी र नौडाँडा क्षेत्रमा छोटो दुरीको हाइकिङ सेवा, साइक्लीङ र चरा अवलोकन जस्ता सुविधा पनि उपलब्ध गराउने बताएको छ। चितुवा, मृग, वन बिरालोजस्ता जंगली जनावर पनि सराङ्कोटमा अवलोकन गर्न सकिन्छ। लालीगुराँस फूल पनि सिजनमा यहाँ पाइन्छ। ऐतिहासिक कास्कीकोट दरबार र कश्यप ताल पनि यहाँका आकर्षण हुन्। पोखराको लेकसाइडबाट साढे १३ किलोमिटर सडक दुरीमा यो लज रहेको छ। जिपफ्लायर, बञ्जी जम्पिङ, प्याराग्लाइडिङ जस्ता सेवा पनि सराङ्कोट क्षेत्रमा उपलब्ध छन्। होटलबाट ४५ मिनेटमा पैदलयात्रा गरी पुरानो हाइकिङ रुटबाट लेकसाइड झर्न सकिन्छ।
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१