भैरव प्राविका विद्यार्थीलाई न्यानो कपडा

आदर्श समाज सम्वाददाता
कार्तिक २२, २०७६
News Nanyo kapada Palpa_Fotor

पशुपति अन्नपूर्ण आश्रम, दरबारमार्ग काठमाडौंले विद्यार्थीलाई न्यानो कपडा सहयोग लिएर पाल्पा आएको छ।

आश्रमले भैरव प्राथमिक विद्यालय बन्दीपोखरा–५, बाँझा पाल्पाका कक्षा १ देखि ५ सम्मका सबै विद्यार्थीका लागि न्यानो लुगा (ज्याकेट) लिएर बुधवार पाल्पा आएको हो।

विद्यालयको निवेदन बमोजिम आश्रमले विद्यालयका सबै विद्यार्थीलाई न्यानो लुगा वितरण गरेको प्रधानाध्यापक भावना खनालले जानकारी दिइन्।

विद्यालय व्यवस्थापन समिति अध्यक्ष मोहन गोदार र विद्यालयका प्रअ खनालले आश्रमको सहयोगप्रति आभार व्यक्त गरिन्।

विद्यालय व्यवस्थापन समितिका अध्यक्ष मोहन गोदारको अध्यक्षतामा भएको कार्यक्रममा प्रमुख अतिथि श्रीकृष्ण न्यौपाने, सिद्धि विनायक एकेडेमी पाल्पाकी प्रिन्सिपल मञ्जु ज्ञवाली, पशुपति अन्नपूर्ण आश्रम नेपाल राष्ट्रिय समिति प्रदेश ३ उपप्रमुख श्रीकृष्ण न्यौपाने, पशुपति अन्नपूर्ण आश्रम अन्तराष्ट्रिय समितिका उपाध्यक्ष महेश्वरी कुँवर लगायतले मन्तव्य राखेका थिए।

Related News

सम्बन्धित समाचार

hero news full width