एभीसी सेन्ट्रल जोन भलिबल खेल्ने नेपाली टोलीको घोषणा

आदर्श समाज सम्वाददाता
कार्तिक २०, २०७६
Nepal National Womens Volleyball Team_Fotor

नेपाल भलिबल संघले एसियन सेन्ट्रल जोन महिला भलिबल च्याम्पियनसीप खेल्ने नेपाली राष्ट्रिय टोलीको घोषणा गरेको छ। थाइल्याण्डमा गरेको वैदेशिक प्रशिक्षणका आधारमा १८ खेलाडीमध्ये १२ जनाले बंगलादेशमा हुने सेन्ट्रल जोनको टिममा परेका हुन्।

नेपाली टिममा प्रतिभा माली, सरस्वती चौधरी, निरुता ठगुन्ना, अरुणा शाही, जानकी भण्डारी, सोफिया पुन, उषाकुमारी विष्ट, सुनिता खड्का, कमला पुन, रेश्मा भण्डारी, पुनम चन्द र सलिना श्रेष्ठ छन्। अरुणा शाहीलाई कप्तानको जिम्मेवारी दिइएको छ।

नेपालले थाइल्याण्डको महिला टोलीसँग ७ वटा मैत्रिपूर्ण म्याच खेलेको थियो। जसमा नेपालले चारवटामा जित र तीन वटामा हार ब्यहोरेको थियो। एसियन सेन्ट्रल जोन महिला भलिबल प्रतियोगितामा नेपालसहित बंगलादेश, माल्दिभ्स, तुर्किमनिस्तान, अफगानिस्तानले खेल्नेछन्।

यस प्रतियोगितालाई नेपालले मंसिरमा आयोजना हुने १३ औंँ दक्षिण एसियाली खेलकुदको तयारीका रुपमा समेत लिएको छ। नेपाली टिम बिहीबार ब‌ंगलादेश जाने तयारीमा छ।

टोली स्वदेश फर्कियो

घरेलु भूमिमा आयोजना हुने १३ औँ दक्षिण एशियाली खेलकूद प्रतियोगिता (साग) र प्रथम एभीसी एसियन सेन्ट्रल जोन महिला भलिबल च्याम्पियनसीपको तयारीका लागि थाइल्यान्ड गएको नेपाली राष्ट्रिय महिला भलिबल टोली स्वदेश फर्किएको छ।

वैदेशिक प्रशिक्षण तथा मैत्रीपूर्ण खेलका लागि २० दिन थाइल्यान्डमा रहेको नेपाली टोली सोमबार स्वदेश फर्किएको हो।

वैदेशिक प्रशिक्षणका लागि नेपाली टोली गत असोज २९ गते थाइल्यान्ड गएको थियो। नेपालले अब बंलादेशमा हुने सेन्ट्रल जोन महिला भलिबल च्याम्पियनसीपमा भाग लिनेछ। उक्त प्रतियोगिता कात्तिक २२ देखि २७ गतेसम्म हुँदैछ। त्यसपछि नेपाली टोली १३ औँ सागको तयारीमा जुट्नेछ। तेह्रौँ साग आगमी मंसीरको १५ देखि २४ गतेसम्म काठमाडौँ र पोखरामा हुँदैछ।

Related News

सम्बन्धित समाचार

    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…
    • पोखरा स्पोर्टस् अवार्ड : नवीन र पार्वती वर्ष खेलाडी

      आदर्श समाज सम्वाददाता असार १९, २०७८
      पोखरा । पाँचौ पोखरा स्पोर्टस् अवार्ड २०७६/७७ मा नवीन रसाइली (कराते) र पार्वती गुरुङ (तेक्वान्दो) वर्ष खेलाडी घोषित भएका छन्…

    hero news full width

    Gandaki University

    sanil ads

    wordlink ads