पूर्वाञ्चल गोल्डकप: झापा–११ माथि पुलिसको जित

आदर्श समाज सम्वाददाता
कार्तिक १८, २०७६
Police vs Jhapa-11, Purbanchal Gold Cup

पोखरा । विभागीय नेपाल पुलिसले घरेलु झापा ११ एफसीमाथि शानदार जित दर्ता गर्दै पूर्वाञ्चल अन्तर्राष्ट्रिय गोल्डकप फुटबल प्रतियोगिताको क्वाटरफाइनलमा स्थान बनाएको छ ।

प्रतिस्पर्धात्मक खेलमा घरेलु दर्शकको समर्थन पाएको झापा ११ लाई पुलिसले २–१ गोलले पराजित गर्दै क्वाटरफाइनलको यात्रा तय गरेको हो । पुलिसका लागि सुमन लामा र सौजन याख्खाले एक\एक गोल गरे । झापाको तर्फबाट भने योगेश गुरुङले गोल गरे ।

खेलको १३ औं मिनेटमा फ्रिकिकमार्फत सुमन लामाले गोल गर्दै पुलिसलाई अग्रता दिलाए । झापा ११ का खेलाडीले डी–बक्स नजिक गरेको फाउलमा सुमन लामाले फ्रिकिकमा सहज गोल गरेका थिए ।

एक गोलको अग्रताले मनोबल उच्च बनाएको पुलिसका खेलाडीेले विपक्षी रक्षकको कमजोरीको फाइदा उठाउँदै झापालाई दवावमा राख्न सफल रह्यो । खेलको ५९ औं मिनेटमा सौजन याख्खाले गोल गर्दै पुलिसलाई दोब्बर अग्रता दिलाए । झापाका गोलरक्षक किशोर गिरी बिट भएको अवस्थामा सौजनले गोल गर्न सफल भएका थिए ।

खेलको ७४ औं मिनेटमा झापाका लागि योगेश गुरुङले गोल गरे । झापाका कप्तान समेत रहेका योगेशले पुलिसका गोलरक्षक शत्रुधन चौधरीसँग वान भर्सेज वानको स्थितिमा गोल गरेका थिए ।

पुलिसका सौजन याख्खा उक्त खेलको ‘म्यान अफ दी म्याच’ बने । सौजनले नगद १० हजार सहित ट्रफी हात पारे । जायोन स्पोर्टस् क्लब झापाले आयोजना गरेको गोल्डकपमा नेपाल र भारतका गरी १० टिमको सहभागिता छ । सोमबार सिक्किम एफसी र बेलबारी एफसी मोरङबीच खेल हुनेछ । बेलबारी प्रदेश लिगको रनर–अप टोली हो ।

गोल्डकपको विजेताले नगद १२ लाख ५० हजार र उपविजेताले नगद ६ लाख २५ हजार र ट्रफी पाउनेछ । प्रतियोगिताको बेष्ट प्लेयरले एक थान मोटरसाइकल र ट्रफी पाउनेछ । त्यस्तै, उत्कृष्ट गोलरक्षक, डिफेन्डर, मिडफिल्डर, फरवार्ड र प्रशिक्षकले जनही १५ हजार पाउनेछन् ।

Related News

सम्बन्धित समाचार

    • एन्फा र चरक मेमोरियलबीच सम्झौता

      आदर्श समाज सम्वाददाता श्रावण १८, २०७८
      पोखरा । अखिल नेपाल फुटबल संघ (एन्फा) र चरक मेमोरियल अस्पताल पोखराबीच स्वास्थ्य उपचारका लागि सम्झौता भएको छ । नेपालमै…
    • केन्पो खुकुरी नेसनल च्याम्पिनसिप घोषणा

      आदर्श समाज सम्वाददाता श्रावण १६, २०७८
      पोखरा । पोखराबाट केन्पो खुकुरी नेसनल च्याम्पिनसिप घोषणा गरिएको छ । शनिबार पत्रकार सम्मलेन गरी प्रतियोगिता घोषणा गरिएको हो ।…
    • हङकङ नेपाली गाइजको सहयोग

      आदर्श समाज सम्वाददाता श्रावण १५, २०७८
      पोखरा । १५ औं पोखरा अन्तर्राष्ट्रिय म्याराथनलाई प्रवासबाट सहयोग प्राप्त भएको छ । नेपाल भूतपूर्व खेलाडी मञ्चको आयोजनामा गत वैशाखमा सो…
    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…

    hero news full width

    Gandaki University

    sanil ads

    wordlink ads