चर्चा बटुल्दै ‘भिर्नी झोलामा’

Avatar आदर्श समाज सम्वाददाता
कार्तिक ६, २०७६

पोखरा,६ कात्तिक । पछिल्लो समय लोक दोहोरी गीतहरु उत्कृष्ट बन्न थालेका छन् । त्यसैले पनि होला बजारमा आइरहेका गीतहरु दर्शक श्रोताले मन पराउन थालेका छन् । हरेक हप्ता महिनाजस्तो राम्रा गीतहरु बजारमा आइरहेका छन् ।

यसै क्रममा लोकप्रीय गायक तथा सञ्चारकर्मी कृष्ण अखेली र गायिका सरस्वती लामिछानेको गीत यसै साता बजारमा आएको छ । ‘भिर्नी झोलामा’ नामक गीतलाई यतिखेर निकै रुचाइएको छ । टिकटक देखि सामाजिक सञ्जालमा गीतको चर्चा हुन थालेको छ । गायक अखेलीको संगीत रहेको उक्त गीतमा शिव अखेलीको उत्कृष्ट शब्द रहेको छ ।

यो गीतको भिडियो उत्तिकै उत्कृष्ट बनेको छ । सुनील क्षेत्रीको निर्देशन रहेको भिडियोमा सुनीलसँगै रक्षा श्रेष्ठले कम्मर मर्काएकी छन् । गीतलाई दुर्गा पौडेलले खिचेका छन् ।

तिर्सना म्युजिकले गीतलाई बजार व्यवस्थापन गरेको छ । यसअघि गायक कृष्ण अखेली र सरस्वती लामिछाने ‘भाडा तिरौला र बतासे पानी’ नामक गीतमा सहकार्य भइसकेको छ । यो गीत छोटो समयमा दर्शकले रुचाउँदा खुसी लागेको अखेली बताउँछन् ।

‘मिहेनत गरेर काम गर्यो भने श्रोता दर्शकले मन पराउनुहुँदो रहेछ,’ उनले भने, ‘गीत बजारमा आएको छोटो समयमा राम्रो प्रतिक्रिया आइरहेको छ । हौसला बढिरहेको छ ।’

तपाइको विचार व्यक्त गर्नुहोस्

हाम्रो सुझाव

अभिनेत्री शिल्पा पक्राउ गर्ने बाटो खुल्यो

इपोमा नेपाली मोडल पनि

वीरगञ्जमा चलचित्रको स्वर्णीम महोत्सव

स्वतन्त्रद्वारा भैलो कार्यक्रम गरी ६० हजार संकलन

फेदीखोला चिनाउन गीत

प्रमुख समाचार

स्कुटर दुर्घटनामा पौडलको मृत्यु