उम्मेदवार टुङ्गो लगाउन विहीवार कांग्रेस केन्द्रीय समिति बैठक

एजेन्सी
कार्तिक ६, २०७६
Nepali-Congress-Parliamentary-Party

काठमाण्डौ, ६ कात्तिक । प्रमुख प्रतिपक्षी दल नेपाली कांग्रेसले उप निर्वाचनका लागि उम्मेदवारको टुंगो लगाउन कार्तिक ७ गते पार्टीको केन्द्रीय समितिको बैठक बोलाएको छ।

मंगलबार पार्टी सभापति शेरबहादुर देउवाको निवासमा बसेको पदाधिकारीको बैठकले ७ गते उम्मेदवारको टुंगो लगाउन केन्द्रीय समितिको बैठक बोलाउने निर्णय गरेको हो।

कांग्रेसका सहमहामन्त्री प्रकाशशरण महतले कार्तिक ७ गतेभित्रै उम्मेदवारको टुंगो लगाउने गरी ताकेता दिन थालिएको बताए। उनले भने, ‘७ गते पार्टी केन्द्रीय समितिको बैठक बस्दै छ, सोही बैठकमा उम्मेदवारको टुंगो लगाउने भन्ने विहीवारको बैठकमा छलफल भयो’, सहमहामन्त्री महतले भने, ‘केही ठाउँबाट उम्मेदवारी सिफारिस भएको छ भने केहीबाट भएको छैन्। उम्मेदवार सिफरिस नभएका ठाउँमा छिटो गर्नका लागि ताकेता गर्ने भन्ने निर्णय भयो।’ उनले सो बैठकमा उपनिर्वाचनका उम्मेदार, तयारी र पार्टीका अन्य गतिविधिका बारेमा छलफल हुने बताए।

त्यस्तै पदाधिकारीको बैठकले संवैधानिक परिषद्को बैठकका निर्णय सहमतिका आधारमा हुनुपर्ने सुझाब सरकारलाई दिएको छ। संवैधानिक परिषद्को बैठकका निर्णय बहुमतीय प्रक्रियाबाट गर्दा संविधानको भावना प्रतिकूल हुने कांग्रेसको ठहर छ।

त्यस्तै संवैधानिक आयोगमा गरिने नियुक्तिलाई पार्टीगत रुपमा हेर्न नहुने जनाउँदै बैठकले यस बारेमा सभापति देउवालाई अडान लिन सुझाएको दिएको थियो। बैठकले अनौपचारिक छलफल गरी सहमतिपश्चात मात्र औपचारिक बैठक राख्दा राम्रो हुने सल्लाह सरकारलाई दिएको छ।

बैठकमा सभापति देउवाले सोमबार प्रधानमन्त्री केपी शर्मा ओली र नेपाल कम्युनिस्ट पार्टी (नेकपा) का अध्यक्ष पुष्पकमल दाहालसँग सत्य निरुपण तथा मेलमिलाप आयोगलगायत अन्य संवैधानिक निकायमा पदाधिकारी नियुक्ति सम्बन्धमा भएको छलफलका बारेमा समेत जानकारी गराएका थिए।
बैठकमा सभापति देउवा, वरिष्ठ नेता रामचन्द्र पौडेल, उपसभापतिद्वय बिमलेन्द्र निधि र विजयकुमार गच्छदार, महामन्त्री पूर्णबहादुर खड्का, कोषाध्यक्ष सीतादेवी यादव, नेताहरु रमेश लेखक, डा मिनेन्द्र रिजाललगायत उपस्थित थिए।

आउँदो मंसिर १४ गते प्रतिनिधसभा अन्तर्गत कास्की क्षेत्र नं २ मा, प्रदेश सभा अन्तर्गत दाङ ३ (ख) भक्तपुर १ (ख), बागलुङ क्षेत्र नं २ (ख) र विभिन्न कारणले रिक्त स्थानीय तहमा उपनिर्वाचन हुँदैछ। निर्वाचनका लागि प्रमुख दलहरुले अहिलेसम्म उम्मेदवारको घोषणा गरेका छैनन्।् । कास्की २मा उम्मेदवारका १६ आकांक्षीको नाम पठाइएको छ ।

Related News

सम्बन्धित समाचार

    • युवा संघको प्रदेश कार्यालय नयाँबजारमा

      आदर्श समाज सम्वाददाता श्रावण १०, २०७८
      पोखरा । राष्ट्रिय युवा संघ नेपाल गण्डकी प्रदेश कमिटीले पोखराको नयाँबजारस्थित प्रदर्शनी केन्द्रअगाडि कार्यालय खोलेको छ । शनिबार युवा संघले…
    • माओवादीको जिल्ला कार्यालय उद्घाटन

      आदर्श समाज सम्वाददाता श्रावण १०, २०७८
      कावासोती । पूर्वी नवलपरासीमा नेकपा माओवादी केन्द्रले पार्टी कार्यालयको शनिबार उद्घाटन गरेको छ । कावासोतीमा जिल्ला पार्टी कार्यालयको माओवादी केन्द्रका…
    • कांग्रेसको वडा अधिवेशन स्थगित

      आदर्श समाज सम्वाददाता श्रावण १०, २०७८
      पोखरा । नेपाली कांग्रेसमा क्रियाशील सदस्यताको ढिलाइका कारण आसन्न १४ औं महाधिवेशनअन्तर्गत अन्य महाधिवेशन कार्यतालिका प्रभावित भएको छ । कांग्रेस पदाधिकारी…
    • जनयुद्धका योद्धादेखि अर्थमन्त्रीसम्म

      आदर्श समाज सम्वाददाता श्रावण १०, २०७८
      पोखरा । जनयुद्धका योद्धा रामजीप्रसाद बराल ‘जीवन’ ले यतिखेर गण्डकी प्रदेशमा महत्वपूर्ण मन्त्रालयको जिम्मा पाएका छन् । सादा जीवन उच्च…
    • नेपाली कांग्रेसको वडा अधिवेशन स्थगित

      आदर्श समाज सम्वाददाता श्रावण ९, २०७८
      काठमाडौं, ९ साउन । नेपाली कांग्रेसमा क्रियाशील सदस्यताको ढिलाइका कारण आशन्न १४औँ महाधिवेशनअन्तर्गत अन्य महाधिवेशन कार्यतालिका प्रभावित भएको छ ।…

    hero news full width

    Gandaki University

    sanil ads

    wordlink ads