२७ विद्यार्थीलाई छात्रवृत्ति

Avatar आदर्श समाज सम्वाददाता
कार्तिक ५, २०७६

पोखरा ४ कात्तिक । मुस्ताङका विभिन्न विद्यालयमा अध्ययनरत जेहेन्दार २७ विद्यार्थीलाई छात्रवृत्ति प्रदान गरिएको छ ।

लायन्स क्लब अफ पोखरा अन्नपूर्णले मुस्ताङका २७ विद्यार्थीलाई सोमवार छात्रवृत्ति वितरण गरेको हो । उक्त कार्यक्रमको प्रमुख अतिथि गण्डकी प्रदेशका सांसद इन्द्रधारा बिष्टले ५ लाख १७ हजार ८सय रुपैयाँ ती विद्यार्थीलाई छात्रवृत्तिको रुपमा प्रदान गरेका थिए ।

उक्त समारोहमा बिष्टले लायन्स क्लबले निश्वार्थरुपमा काम गरेका आफनो अनुभब सुनाए । लायन्स क्लब अन्नपूर्णले मुस्ताङ जिल्लाको पनि बिकट क्षेत्रमा गरेको सेवाको प्रशंसा गरे । छात्रबृत्ति कार्यक्रमका संयोजक सल्लाहकार सोनाम साङ्पोले बिभिन्न दातृ निकायबाट आएको रकम सहि सदुपयोग गर्नको लागी बिद्यार्थीलाई आब्हान गरे ।

सो अवसरमा पास मल्टिपल काउन्सिल चेयर पर्सन प्रेमबहादुर श्रेष्ठले नेपालभरी लायन्स क्लब मध्ये सबभन्दा उत्कृष्ट काम गरेको दाबी गरे । त्यस्तै क्लबका सुरेन्द्रमान बिजुक्छे, बेवराज गिरी अर्जुन पोख्ररेल, बिजय पौडेल, र बिद्यार्थी लीला गुरुङले आफ्नो भनाई राखेका थिए । क्लबका अध्यक्ष प्रदीप राजभण्डारीको सभापतित्व सम्पन्न कार्यक्रम संचालन सचिव गणेश छबिले गरेका थिए ।

तपाइको विचार व्यक्त गर्नुहोस्

हाम्रो सुझाव

पोखरा बहुमुखी क्याम्पसको अध्यक्षमा लालचन

त्रिपिटक बाचन हुने

निजी विद्यालयको लगानी ग्यारेन्टी गछौ–प्रमुख जिसीको

शैक्षिक प्रदर्शनीमा विद्यार्थी भीड

गौरीशंकर माविको वार्षिकोत्सव

प्रमुख समाचार

पीपीएलमा पोखराको सुखद सुरुवात

थप प्रमुख समाचार