आन्तरिक पर्यटन वर्ष २०१९ को प्रबद्र्धन गर्दै फोटोग्राफर संघ गण्डकीले फोटोग्राफी क्षेत्रका चुनौती र समाधानका उपाय शीर्षकमा अन्तरक्रिया कार्यक्रम सम्पन्न गरेको छ।
पहाडकी रानी भनेर चिनीने तनहुँको पर्यटकीय स्थल बन्दीपुरमा कार्यक्रम संचालन भएको थियो। कात्तिक १ र २ गते दुई दिन सम्म बन्दीपुरका विभिन्न पर्यटकीय स्थानहरुको अवलोकन पश्चात बन्दीपुर सामुदायिक होमस्टेमा कार्यक्रम सम्पन्न भएको हो ।
कार्यक्रममा व्यावसायिक एक्यबद्धता जनाउँदै गण्डकी प्रदेश अन्र्तगत सात जिल्लाका फोटोग्राफरहरुको सहभागिता रहेको थियो।
कार्यक्रममा स्थानीय तहदेखि जिल्ला तथा प्रदेशमा देखिएका फोटोग्राफी क्षेत्रका समस्या र चुनौतीका बारेमा छलफल भएको थियो।
फोटोग्राफी क्षेत्र एक प्राविधिक क्षेत्र भएको हुँदा समाज रुपान्तरणमा यसको विशेष महत्व रहँदा रहँदै पनि सरकारी क्षेत्रबाट सधैं उपेक्षित रहनु परेको कार्यक्रका वक्ताहरुले बताए। यस प्रकारको समुदायका हरेक कृयाकलापहरुमा सीधै सम्पर्कमा रहेको पेशालाई केही व्यक्तिहरुले अमार्यादित र अस्वस्थ प्रतिश्पर्धात्मक बनाउने प्रयत्न गरेकोमा सबैको दुखेसो रहेको थियो।
एउटा सरकारी निकायमा व्यवसाय दर्ता गरेर वैधानिक तरिकाले व्यवसाय गर्ने व्यक्ति र एउटा क्यामेरा मात्र बोकेर फोटोग्राफी गर्ने व्यक्तिलाई सरकारी निकायले एउटै नजरले हेर्ने प्रकृयालाई सबैले दुःखको कुरा मानेका छन। नगरपालिका, महानगरपालिकालगायत स्थानीय तहदेखि घरेलु तथा बाणिज्य हुदै आन्तरिक राजस्व कार्यालयमा व्यवसाय दर्ता गर्ने व्यवसायी र एउटा क्यामेरा बोकेर फोटोग्राफी गर्ने व्यक्तिमा सरकारी निकाय गम्भीर अनुगमन नहुँदा व्यवसायी मर्कामा परेको गुनासो रहेको थियो।
वडा कार्यालयदेखि विभिन्न सरकारी निकायहरुमा प्रयोग हुने फोटोको साइज र गुणस्तरका बारेमा साथै विद्यालयहरुमा प्रयोग हुने फोटोहरुको कुनै निश्चित मापदण्ड नहुँदा मनोपली बढिरहेको सो अवसरमा ओल्याइएको थियो।
कार्यक्रममा विभिन्न जिल्लाका सहभागी फोटोग्राफरहरु, दीपेन्द्र बस्याल, राजन अधिकारी, कुशल अधिकारी, विजय शर्मा, आलोक कुमाल, शिवहरि अधिकारी, घनश्याम पौडेल, जीवन ढुंगानालगायतले फोटोग्राफी चुनौतीका बारेमा आ–आफ्नो जिज्ञासा साखेका थिए । गण्डकी प्रदेश भित्रका फोटोग्राफी व्यवसायी संस्थाका जिल्ला अध्यक्षहरु, पोखरा फोटोग्राफर संघका अध्यक्ष रबिनाथ दाहाल, पर्वत फोटाग्राफर संघका अध्यक्ष नारायण बहादुर के.सी, तनहुँ फोटोग्राफर संघका अध्यक्ष बलभद्र श्रेष्ठ, नवलपुर फोटोग्राफर संघका अध्यक्ष किशोर अधिकारीलगायतले जिल्लाका समस्याहरु र चुनौतीका बारेमा आआफ्नो धारणा प्रस्तुत गरेका थिए। संस्थाको आर्थिक अवस्थाको बारेमा संस्थाका कोषाध्यक्ष नवीनराज पौडेलले जानाकारी गराएका थिए।
सवै फोटोगाफरहरुको पहिचान र एकरुपताका लागि फोटोग्राफर संघ गण्डकीले टिर्सट निमार्ण गरेर गण्डकी प्रदेशका सवै जिल्लाका फोटोग्राफरहरुलाई टिर्सट वितरण समेत गरिएको थियो। सो टिर्सट गण्डकी प्रदेशभरिका फोटोग्राफरहरुकोफोटोग्राफी एकताको प्रतीकसमेत भएको महासचिव तुलसी राम सुवेदीले बताए।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१