दश वर्षमा मध्यम स्तरको विकसित राष्ट्र –मुख्यमन्त्री गुरुङ

Avatar आदर्श समाज सम्वाददाता
असाेज २८, २०७६

पोखरा, २८ असोज । गण्डकी प्रदेशका मूख्यमन्त्री पृथ्वीसुब्बा गुरुङले अबको १० वर्षमा नेपाल मध्यम स्तरको विकसित राष्ट्र बन्ने दावि गरेको छन् ।

पोखरा चेम्बर अफ कमर्स कास्कीद्वारा मंगलबार पोखरामा विजया दशमी, शुभ दीपावली, नेपाल सम्बत ११४० र छठ पर्वको अवसरमा आयोजित शुभकामना आदानप्रदान कार्यक्रममा बोल्दै मूख्यमन्त्री गुरुङले भने–आर्थिक वृद्धिदर हासिलमा नेपाल यतिवेला दक्षिण एसियामा दोस्रो राष्ट्र बनेको छ ।

समृद्ध नेपाल, सुखी नेपालीको राष्ट्रिय नारालाई सफल बनाउन सबै लाग्नु पर्नेमा मुख्य मन्त्री गुरुङको जोड थियो । नेपालको व्यापार घाटा कम गर्न र नेपालीको प्रतिव्यक्ति आय वृद्धिगर्न गण्डकी प्रदेश सरकारले ध्यान दिएको भनाई उनको छ ।

प्रदेश सरकारले आर्थिक समृद्धि र दिगो विकासको राष्ट्रिय लक्ष्य तथा दिगो विकास लक्ष्यलाई हासिल गर्ने गरी काम गरेको कुरा मुख्यमन्त्री गुरुङले सुनाए ।
चिनीयाँ राष्ट्रपति सिचिन पिङले जे वोल्छन त्यही नीति चीनमा बन्ने गरेको उल्लेख गर्दै मुख्यमन्त्री गुरुङले नेपालका प्रधानमन्त्री केपी शर्मा ओलीले राम्रा कुरा गर्दा पनि खिसी टिउरी गर्ने प्रवृत्तिले राष्ट्रिय अनुशासन कायम हुन नसक्ने बताए । उनले राष्ट्रिय एकतालाई सुदृढ बनाउदै सवै नागरिकले कर्तव्य पालन गर्नु पर्नेमा जोड दिए ।

गण्डकी प्रदेशसभा विकास समितिका सभापति दीपक कोइरालाले समृद्ध नेपाल र सुखी नेपाली बनाउने अभियानमा सवैको साथ र सहयोग आवश्यक रहेको उल्लेख गरे । निजी तथा सार्वजनिक क्षेत्रमा लगानीको वातावरण बनाउन सहयोग गर्ने प्रतिवद्धता कोइरालाले व्यक्त गरे ।

नेकपा कास्कीका अध्यक्ष तथा गण्डकी प्रदेश सभा सदस्य कृष्ण थापाले चेम्बरले गर्ने रचनात्मक र सिर्जनात्मक काममा पार्टीको एक्यवद्धता र सहयोग रहने बताए । कार्यक्रममा नेपाल चेम्बर अफ कमर्शका केन्द्रीय सदस्य तथा गण्डकी प्रदेशका अध्यक्ष यदुनाथ अधिकारी, पोखरा चेम्बर अफ कमर्स पोखराका अध्यक्ष किसान सुनार, चेम्बरका वाणिज्य तर्फका उपाध्यक्ष तथा कार्यक्रम संयोजक प्रेमबहादुर भुजेल, कमर्शका महासचिव उमराज बास्तोला लगायतले आफ्ना भनाई राखेका थिए ।

तपाइको विचार व्यक्त गर्नुहोस्

हाम्रो सुझाव

डा. केसीका माग सम्बोधन गर्न साझा पार्टीको माग

समृद्धिको लागि मेरो उम्मेदवारी– विद्या

मेरो प्रतिस्पर्धा नेकपासंग हो -उम्मेदवार पौडेल

लुटतन्त्र मच्चाउनेलाई भोट नदेऊ : थापा

प्रमुख समाचार

स्कुटर दुर्घटनामा पौडलको मृत्यु