पोखरा,२६ असोज । दशैंको समयमा पोखराका बिभिन्न स्थानहरुमा मिटरमा चल्न नमान्ने ४८ र मिटर नै जडान नगरेका ५ गरी ५३ ट्याक्सी र चालकलाई कास्की प्रहरीले नियन्त्रणमा लिएको छ ।
मिटरमा संचालन गर्न नमानी आफुखुसी जथाभाबि भाडा लिने ४८ र मिटर नै जडान नगरी आफूखुसी ट्याक्सी संचालन गर्ने ५ गरी ५३ वटा ट्याक्सी र चालकलाई कार्बाहीको लागी कास्की प्रहरी र ट्राफिक प्रहरी कार्यालय कास्कीले नियन्त्रण लिएको हो ।
यसअघि बिभिन्न तहबाट पटक पटक भएका निर्णयहरुको बेवास्ता गर्दै मनोमानी रुपमा सर्बसाधारणहरुसंग बढी भाडा असुली र मिटरमा जान नमानी वढी पैसा बार्गेनिङ गर्ने गरेको गुनासो यात्रुले गरेपछि कास्की प्रहरी र ट्राफिकले ट्याक्सीमा छड्के गरेको कास्कीका प्रहरी प्रवक्ता प्रहरी नायव उपरीक्षक राजकुमार केसीले बताए ।
यस्ता प्रवृतिको नियन्त्रण तथा निराकरण गर्न छुटै कार्ययोजना तयार गरी छड्के रुपमा चेकिङ, गस्ती, पेट्रोलिङ तथा स्वीप अपरेशन गर्ने गरिने जानकारी केसीले दिए । शनिवार गरिएको छड्के चेकिङमा त्यो संख्यामा ट्याक्सी र चालक नियन्त्रणमा लियएको हो ।
ती ट्याक्सीलाई कानून बमोजिम कारवाही गरिने जानकारी केसीले दिए । साथै यदी कुनै ट्याक्सी मिटरमा जान नमानी आनाकानी, जवरजस्ती वा वार्गेनिङ गरेमा प्रहरीलाई उजुरी गर्न समेत आग्रह गरिएको छ ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
पुस्तक दिवसमा पुस्तक साटासाट
स्वदेश फर्किए कतारी अमिर
अधिकारी सरकारको मुख्य न्यायाधिवक्ता चिरन्जीवी शर्मा !
पोखराको चाउथेमा गएराति स्कुटर दुर्घटनामा एक किशोरीको मृत्यु
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१