चाडपर्वमा बजार अनुगमन

आदर्श समाज सम्वाददाता
असाेज १५, २०७६
bazar_Fotor

चाडपर्वसँगै पोखरेली उपभोक्तालाई सडेगलेका, मिसावट र अखाद्य वस्तु खरिद गर्नबाट बचाउन बजार अनुगमन शुरु गरिएको छ।

गण्डकी प्रदेश अनुगमन टोलीले मंगलवार लेखनाथ र पोखरा बसपार्क क्षेत्रका खाद्यपसलमा अनुगमन गरी अखाद्य, सडेगलेका र उपभोग मिति सकिएका खाद्य सामाग्री नष्ट गरेको छ।

उद्योग, वाणिज्य तथा उपभोक्ता हित संरक्षण निर्देशनालयका निर्देशक गोकुल शर्मा पौडेलका अनुसार विभिन्न पसलबाट १० हजार रुपैयाँ बराबरका चाउचाउ, दाल, केक, पियपदार्थ लगायत नष्ट गरिएको हो। उपभोक्ता संरक्षण ऐन र नियमावलीले बजार अनुगमन जिम्मा जिल्ला प्रशासनले लिँदैआएकोमा संघीयता कार्यान्वयनसँग गत वर्ष सो ऐन परिमार्जन भइ बजार अनुगमन जिम्मा प्रदेश र स्थानीय सरकारमा आएको छ। संघले बनाएको उपभोक्ता ऐन, २०७५ टेकेर प्रदेशले तयार पारेको बजार अनुगमन गण्डकी प्रदेशले पारित गरेको छ। प्रदेश नियमावली पारित भएसँगै अब गण्डकीका ११ वटै जिल्लामा अनुगमन तीव्र पारिने जानकारी उद्योग मन्त्रालयका उपभोक्ता शाखा प्रमुख भरतमणि बरालले बताए।

अनुगमनमा खाद्य, गुणस्तर, नापतौल, पोखरा महानगरपालिका, उपभोक्ता मञ्चका प्रतिनिधि सहित प्रहरीको सहभागिता थियो। अनुगमनमा ४ टोली गठन गरी खाद्य, भेटेरीनरी, दुग्धजन्य पदार्थ र कृषिमा अनुगमन गरिएको हो। जसमा तालचोकस्थित पौरखी स्टोर्समा बिक्रीका लागि राखिएका अधिकांश खाद्यसामग्री उपभोग गर्न नमिल्ने पाइएकाले सो पसल बन्द गरिएयो। त्यस्तै, तालचोकस्थित नीमिसा स्टोर्सलाई मिति सकिएका सामग्री हटाउन सजग गराइएको छ। भण्डारढिकस्थित बराल सपिङ सेन्टर र बेगनास तालस्थित एलसी स्टोर्स मूल्यसूची राख्न निर्देशन दिइएको थियो। त्यस्तै शिशुवाको एलजी मल्ल स्टोर्समा नाप तौलको सामग्री नवीकरण गर्न टोलीले निर्देशन दिइएको बताइएको छ।

त्यस्तै, पोखरा बसपार्कस्थित रामश्री किराना पसलको अझै पनि मानापाथी प्रयोगमा ल्याएको पाइएकोले ती सामग्री जफत गरिएको छ।

आगामी दिनमा पनि अनुगमन कार्यलाई निरन्तरता दिने जानकारी गोकुल शर्माले दिए।

उपभोक्ता मञ्च कास्की अध्यक्ष कपिल कोइरालाले उपभोक्ता हितमा प्रदेश सरकार गम्भीर र जिम्मेवार भएर लाग्नुपर्नेमा जोड दिए।

Related News

सम्बन्धित समाचार

    • जताततै भिडभाड, नाम मात्रको निषेधाज्ञा

      सविन लामिछाने श्रावण १८, २०७८
      दमौली । जिल्लाको सदरमुकाम दमौली बजारभरि चहलपहल बाक्लो छ । चोक-चोकमा मानिसको भीडभाड उस्तै छ । बैंकलगायत वित्तीय संस्थाको बाहिर जात्राझैं लाग्ने…
    • पोखरा विमानस्थलको म्याद १ वर्ष लम्बियो

      प्रकाश ढकाल श्रावण १८, २०७८
      पोखरा । निर्माणाधीन पोखरा क्षेत्रीय अन्तर्राष्ट्रिय विमानस्थलको निर्माण अवधि थपिएको छ । नागरिक उड्ययन प्राधिकरणले १ वर्ष म्याद थपेको हो…
    • सकिनै आट्यो रोपाइँ

      धनबहादुर गुरुङ श्रावण १७, २०७८
      पोखरा । मानो खाएर मुरी उब्जाउने महिना सकिएर साउनको दोस्रो साता सुरु हुँदा गण्डकी प्रदेशमा रोपाइँ सकिनै आँटेको छ ।…
    • थप २ हजार ५६८ मा सङ्क्रमण

      रासस श्रावण १७, २०७८
      काठमाडौं । पछिल्लो २४ घण्टामा १२ हजार ६३६ मा नमूना परीक्षण गर्दा देशभर दुुई हजार ५६८ मा सङ्क्रमण पुष्टि भएको…
    • विस्तारै उठ्दैछ कोरोनाले थलिएको पोखरा

      रासस श्रावण १७, २०७८
      गण्डकी । झण्डै दुई वर्षयता कोरोना कहरका कारण पर्यटकीय नगरी पोखरामा व्यवसाय ठप्प छ । व्यवसाय ठप्प भएसँगै यस क्षेत्रमा…

    hero news full width

    Gandaki University

    sanil ads

    wordlink ads