सहकारीका शेयर सदस्यलाई डेंगु सचेतना

Avatar आदर्श समाज सम्वाददाता
असाेज १३, २०७६

पोखरा, १३ असोज । देशका अधिकाशं जिल्लामा फैलिएको डेंगु रोगका बारेमा पोखराको एक सहकारीले सचेतना कार्यक्रम सम्पन्न गरेको छ ।

लामखुट्टेको टोकाइबाट लाग्ने डेङ्गुको सङ्क्रमण फैलिइरहेको अवस्थामा संस्थाले आमन्त्रित अतिथि तथा शेयर सदस्यलाई यस सम्वन्धी सचेतना कार्यक्रम गरेको छ ।

पोखरा–१७ मा कार्यालय सञ्चालन गरी कारोवार गर्दै आएको सफल बचत तथा ऋण सहकारी संस्थाले १२ औँ वार्षिक साधारणसभाको अवसरमा एक घन्टाको डेंगु सम्वन्धी सचेतना कार्यक्रम गरेको हो । सामाजिक विकास मन्त्रालयका खोप अधिकृत एकनारायण लम्सालले सहभागीलाई रोग सम्बन्धी जानकारी गराउँदै हरेक घर, टोल र वडामा लामखुट्टेको बासस्थान तथा लार्भा निरन्तर नष्ट गर्नुपर्ने बताए ।

डेंगु लामखुट्टेको लागि २५ देखि ४० डिग्रीको तापक्रम उपयुक्त हुने हुँदा पोखरामा बाह्रै महिना सचेत रहनु पर्नेमा सचेत गराइएको थियो । महानगरमा हाल हप्तामा दुई दिन खोज र नष्ट गर अभियान सञ्चालन भइरहेपनि यसलाई वर्षभरिनै निरन्तरता दिनुपर्नेमा जोड दिए ।

स्वास्थ्य प्राविधिकले मात्र रोग नियन्त्रण सम्भव नहुने भएकाले सर्वप्रथम प्रत्येक व्यक्ति आफै सचेत हुनुपर्नेमा जोड दिँदै लम्सालले भने गत वर्ष कात्तिक देखि पुस महिनासम्म प्रदेशमा ७ सय जनामा देखिएको रोग यस वर्ष असोजको पहिलो हप्तासम्ममा तीन हजारमा देखिएकाले सम्वेदनशील बन्नु अपरिहार्य छ ।
कार्यक्रममा गण्डकी प्रदेशका उपसभामुख सृजना शर्माले कार्यक्रमको उद्घाटन गर्दै सदस्यहरुलाई सचेतना कार्यक्रम गरेर संस्था सदस्यप्रति जिम्मेवार बनेको उल्लेख गरिने ।

संस्थाका अध्यक्ष हरि बास्तोलाले पोखरामा प्रकोपको रुपमा देखिएको डेंगु व्यक्ति, परिवार, टोल हुँदै फैलने भएकाले सदस्यहरुलाई यसबाट सुरक्षित बनाउने लक्षयका साथ सचेतना कार्यक्रम गरिएको जानकारी दिए । कार्यक्रममा संस्थागत विकासमा उल्लेखनीय योगदान पु¥याउनु संस्थाका संस्थापक अध्यक्ष अनिलकुमार शाही र निवर्तमान अध्यक्ष हरिप्रसाद श्रेष्ठलाई सम्मान गरिएको थियो ।

तपाइको विचार व्यक्त गर्नुहोस्

हाम्रो सुझाव

पेट्रोलियम पदार्थको मूल्य घट्यो

आश्रमलाई आर्थिक सहयोग

जुत्ता व्यवसायी संघ कास्कीमा पौडेल

न्यादी जलविद्युत आयोजनाको निर्माण ठप्प

‘सम्झौता सकियो, नयाँ टेण्डर खै ?’

प्रमुख समाचार

विश्वकै नमूना धार्मिक स्थल बन्दै रुरुक्षेत्र

थप प्रमुख समाचार

ज्येष्ठ नागरिक मिलन केन्द्रलाई सहयोग

मुख्यमन्त्रीदेखि सांसदसम्मको तलब बढ्यो

पशुपति आश्रममा महायज्ञ

मानवअधिकार उल्लंघनका घटनामा वृद्धि