स्याङ्जा आरुखर्क पोखरा दिदीबहिनी समूहको विजयादशमी, दीपावली तथा छठ पर्वको अवसरमा शुभकामना तथा नवनियुक्ति सल्लाहकारको सम्मान कार्यक्रम सम्पन्न गरेको छ।

कार्यक्रममा मानव मिलन संस्था आरुखर्कका अध्यक्ष नारायणप्रसाद पौडेलले आरुखर्क जन्म भई पोखरामा यत्रतत्र छरिएर बसोबास गर्दै आएका दिदीबहिनीलाई गोलबन्द भई एक आपसमा सम्बन्ध विस्तार गरेकामा खुसी व्यक्त गर्दै समग्र आरुखर्कको विकासमासमेत टेवा पुग्ने विश्वास व्यक्त गरे। कार्यक्रममा नवनियुक्त सल्लाहकार माया गुरुङ, मिना गुरुङ, शुष्मा पौडेललाई स्वागत गरेका थिए ।

दिदीबहिनी समूहका अध्यक्ष शावित्री शर्माको अध्यक्षतामा भएको कार्यक्रममा सल्लाहकार माया गुरुङ, मीना गुरुङ, शुष्मा पौडेल, आरुखर्क पोखरा सम्पर्क समाजका अध्यक्ष टीकाराम पौडेल, उपाध्यक्ष यामप्रसाद गौडेल, मानव मिलन संस्था पोखराका उपाध्यक्ष गुप्तप्रसाद शर्मा, भूपू विद्यार्थी मञ्च आरुखर्कका अध्यक्ष रामचन्द्र पौडेल, कार्यक्रम संयोजक गीता क्षेत्रीलगायतले शुभकामना मन्तव्य राखेका थिए।

द्वितीय उपाध्यक्ष गीता पौडेलले स्वागत तथा प्रथम उपाध्यक्ष शान्ति केसीले कार्यक्रम सञ्चालन गरेकी थिइन्।