महिला फुटबल टोली पोखरामा

आदर्श समाज सम्वाददाता
असाेज ८, २०७६
Nepali Womens Football Toli_Fotor

नेपालको महिला राष्ट्रिय फुटबल टोली मंगलबार पोखरा आइपुगेका छन्। नेपालमा आयोजना हुने १३ औं दक्षिण एसियाली खेलकुद (साग) गेमको तयारीका लागि प्रशिक्षण लिन राष्ट्रिय महिला फुटबल टोली पोखरामा आइ पुगेको हो। नेपाली टिमले अब सागसम्मै पोखरामा रहेर तयारी गर्नेछ।

अखिल नेपाल फुटबल संघ (एन्फा) ले सागको तयारीमा रहेको महिला टिमको तयारी पोखरामा गर्ने निर्णय गरेको हो। मुख्य प्रशिक्षक हरि खड्काले नेपालले अबको अन्तिम तयारी पोखरामा रहेर गर्ने बताएका छन्। साग मंसिर १५ बाट २४ गतेसम्म पोखरा र काठमाडौंमा आयोजना हुँदैछ। महिला फुटबल पोखरा रंगशालामा हुने खेल तालिकामा उल्लेख छ।

नेपाली टिमले पोखरामा आर्मी क्लबको मैदान र सहारा एकेडेमीको मैदानमा रहेर तयारी गर्नेछन्। सागको तयारीमा रहेको महिला टिम किर्गीस्तानमा भएको नादेझ्दा कपमा उपविजेता भएको थियो। नेपाल फाइनल खेलमा उज्वेकिस्तानसँग ३–२ गोल अन्तरले पराजित बनेको थियो।

नेपालले आयोजक कीर्गिस्तानलाई ८–२ को फराकिलो गोल अन्तरले हराएको थियो। दोस्रो खेलमा उज्वेकिस्तानसँग २–० ले पराजित बनेको थियो। लिग चरणको अन्तिम खेलमा नेपालल ताजकिस्तानमाथि १–० गोलको जित निकाल्दै फाइनल प्रवेश गरेको थियो।

प्रतियोगिताभर ७ गोल गरेकी नेपाली सावित्रा भण्डारी ‘साम्बा’ टप स्कोरर बनिन्। यसै प्रतियोगिताबाट सावित्राले पूर्व कप्तान अनु लामाको नाममा रहेको ३५ गोलको अन्तराष्ट्रिय कीर्तिमानी बराबरी गरेकी थिइन्।

Related News

सम्बन्धित समाचार

    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…
    • पोखरा स्पोर्टस् अवार्ड : नवीन र पार्वती वर्ष खेलाडी

      आदर्श समाज सम्वाददाता असार १९, २०७८
      पोखरा । पाँचौ पोखरा स्पोर्टस् अवार्ड २०७६/७७ मा नवीन रसाइली (कराते) र पार्वती गुरुङ (तेक्वान्दो) वर्ष खेलाडी घोषित भएका छन्…

    hero news full width

    Gandaki University

    sanil ads

    wordlink ads