लमजुङ, ७ असोज । लमजुङमा विद्यालयस्तरमा सेनेटरी प्याडको सुविधा हुन थालेपछि छात्रा नियमित भएको पाइएको छ । क्व्होलासोंथर गाउँपालिका– १ बाग्लुङपानीस्थित जनज्योति माध्यमिक विद्यालयमा त्यस्तो नतिजा देखिएको हो ।
जनज्योति माविमात्र होएन जिल्लाका अन्य बेसीशहर नगरपालिका– ७ को चण्डिडाँडा स्थित जन विकास मावि, सुन्दरबजार नगरपालिका– ५ खहरेस्थित विद्याज्योति माविले समेत आफ्नो विद्यालयमा छात्राहरूका लागि महिनावारीको समयमा प्रयोग गर्न सेनेटरी प्याडको प्रवन्ध गरेका छन् ।
त्यस्तो सुविधासँगै छात्राहरू नियमित हाजिर हुने गरेको अनुभव छ भन्छन् जन ज्योति माविका प्रधानाध्यावक विलप्रसाद गुरुङ । उनले भने, ‘केहीवर्ष अघिसम्म विद्यालयमा सेनेटरी प्याडको सुविधा नहुँदा छात्राहरू महिनावारी भएको बेलामा विद्यालय नियमित हुँदैनथे र हरेक महिना ४– ५ दिन उनीहरू विद्यालयमा गयल हुने गर्थे ।’ उनका अनुसार अहिले त्यस्तो अवस्था छैन । उक्त सामुदायिक विद्यालयले छात्रालाई विद्यालयमा नियमित गराउन सेनेटरी प्याडको व्यवस्था गरिएको छ ।
केही विद्यालयले आन्तरिक स्रोतबाट र केहीले विभिन्न संघसंस्थाको सहयोगमा सेनेटरी प्याडको व्यवस्था गर्ने गरेका छन् । जसका कारण छात्रा नियमित विद्यालय आउने भएका छन् । यसैगरी, छात्रा विद्यार्थीका लागि गुनासो सुन्ने शिक्षिका तोकिएको बेसीशहर नगरपालिका– ७ को चण्डिडाँडास्थित जनविकास माध्यमिक विद्यालयका प्रधानाध्यापक खिला शर्मा धितालले बताए । उनका अनुसार छात्राहरुको पढाईमा पनि राम्रो हुँदै गएको छ ।
उनले भने ‘वर्षभरी धेरै अनुपस्थित हुने भनेको छात्रा थिए । त्यसको कारण खोज्दा महिनावारीको असहजताको कारण हो भन्ने थाहा भयो ।’ त्यसैले छात्रा विद्यार्थीलाई नियमित गराउन विद्यालयमा सेनेटरी प्याडको व्यवस्था गरेका छौं उनले भने । उनका अनुसार विद्यालयले छात्रालाई सहज वातावरणमा अध्ययन गराउन प्याडको सुविधा दिएको छ ।
सुन्दरबजार नगरपालिका– ५ खहरेस्थित विद्याज्योति माविका छात्राहरूका सेनेटरी प्याडको आवश्यक पर्दा महिला शिक्षकसंग मागेर छात्राले प्रयोग गर्ने गरेको सो विद्यालयको व्यवस्थापन समितिका अध्यक्ष विष्णुभक्त अधिकारीले बताए । उनले भने ‘सेनेटरी प्याडको व्यवस्था भएपछि छात्रा नियमित विद्यालय आउने गरेका छन्, यसले उनीहरूको पढाईको स्तरमा पनि बढोत्तरी भएको अनुभव छ ।’
गैरसरकारी संघसंस्थाको सहयोगमा छात्राका लागि सेनेटरी प्याडको प्रवन्ध गरिएको सो माविका सहायक प्रधानाध्यापक राजु थापाले बताए । उनका अनुसार विद्यालयले आफैं व्यवस्था गर्न सकेको छैन, जिल्लाका विभिन्न संघसंस्थाले सहयोग गरेका छन्, राम्रै भएको छ ।
शिक्षा विकास तथा समन्वय इकाई लमजुङका प्रमुख बीरबहादुर गुरुङले छात्रा विद्यार्थीलाई विद्यालयमा नियमित गराउन जिल्लाका सबै सामुदायिक विद्यालयमा सेनेटरी प्याडको व्यवस्था गर्न अनुरोध गरिएको बताए । उनले भने, ‘यो सुविधाले छात्रा नियमित आएर सहज वातावरणमा अध्ययन गरेको पाइएको छ ।’ उनका अनुसार जिल्लाका अधिकांश सामुदायिक विद्यालयले यो अभ्यास शुरू गरेका छन् ।
विद्याज्योति माविको कक्षा– ९ मा अध्ययनरत सम्झना अधिकारी उनका साथीहरूले विद्यालयमा सेनेटरी प्याडको व्यवस्था भएपछि कक्षामा हुने पढाईमा आफूहरूलाई सहज भएको बताए ।
Related News
सम्बन्धित समाचार
‘वन्यजन्तु संरक्षणमार्फत पर्यापर्यटन बढाऔं’
कन्या क्याम्पसमा प्राध्यापकको बिदाइ
पोखरा बहुमुखी क्याम्पसको क्यालेन्डर विमोचन
पोखरामा गणित समाजको कार्यशाला
लेकसिटी कलेजमा स्वागत र बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१