ढिकुरपोखरीमा १० औं मेलाको तयारी

Avatar आदर्श समाज सम्वाददाता
असाेज ६, २०७६

हेमजा, ६ असोज।यस वर्ष अन्नपूर्ण गाउँपालिकाको ढिकुरपोखरीमा हुने प्रथम दसौं मेलाको तयारी तीव्र पारिएको छ ।मेलाको युवा तथा खेलकूद मन्त्री जगतबहादुर विश्वकर्माले उद्घाटन गर्ने कार्यक्रम रहेको छ ।

अन्नपूर्ण २ स्थित ढिकुरपोखरी युवा क्लबको आयोजनामा यहि असोज १४–१८ गतेसम्म माछापुच्छे् माविको प्राङगणमा मेला हुदैछ ।मेला सम्पन्न गर्न शनिवार क्लबले सरोकारवालासँग छलफल गरेको छ ।

कार्यक्रममा बोल्दै गाउँकार्यपालिका सदस्य भगवती भण्डारीले मेलालाई सहयोग गर्न गाउँपालिका तयार रहेको बताइन् ।उनले दसौं मेला सबैको मेला भएको भनाई राख्दै मेलामा देश विदेशबाट पनि सहयोग जुटाउनुपर्ने धारणा राखिन् ।वडा सदस्य देवराज भण्डारीले दसौं मेलालाई निरन्तरता दिने हिसावले आयोजना गर्नुपर्ने बताए ।क्लबका सल्लाहकार नारायणप्रसाद भण्डारीले कार्यविभाजन गरेर अगाडि बढ्न सुझाव दिए ।
साे अवसरमा ढिकुरपोखरी युवा संजालका अध्यक्ष सुशील भट्टचन, संजालका महासचिव दिलबहादुर जिसी, पत्रकार श्रीभद्र पौडेल, स्थानीय आवाज आमा समूहकी अध्यक्ष मेनुका भण्डारी, क्लव अध्यक्ष वीरेन्द्र गुरुङ, सचिव रमेशराज भण्डारी लगायतले आफ्नो धारणा राखेका थिए । मेलाको प्रमुख आकर्षणका रुपमा खुल्ला सेभेन ए साइड फुटबल प्रतियोगिता हुदैछ।त्यस्तै रक्तदान, छेलो हान्ने, रस्साकस्सी तथा राष्ट्रिय साथै स्थानीय कलाकारबाट विविध सांस्कृतिक कार्यक्रम गर्ने तयारी पनि भएको क्लबका सचिव भण्डारीले जानकारी दिए।

फुटवलतर्फ प्रथम हुने समूहले ८१ हजार १ सय ११ रुपैयाँ, द्वितीय समूहले ४१ हजार १ सय ११ साथमा ट्रफी, मेडल र प्रमाणपत्र पुरस्कार पाउने छन् ।जसमा कूल ३५–४० समूहको सहभागिता रहने अनुमान गरिएको छ।त्यस्तै सर्वाधिक गोलकर्ता, सर्वोत्कृष्ठ खेलाडी, अनुशासित समूह उदयमान खेलाडी, उत्कृष्ठ गोलरक्षक, उत्कृष्ठ डिफेन्डर, उत्कृष्ठ मिडफिल्डर, उत्कृष्ठ फर्वाडरलाई पनि पुरस्कारको व्यवस्था गरिएको छ ।

यतिवेला पत्राचार, सहयोगका लागि आवहान, मैदान संरक्षण लगायतका कार्य भइरहेको क्लबले जनाएको छ।क्लबका अध्यक्ष गुरुङको अध्यक्षतामा भएको उक्त कार्यक्रम क्लब सचिव रमेशरनज भण्डारीले संचालन गरेका थिए ।

तपाइको विचार व्यक्त गर्नुहोस्

प्रमुख समाचार

मन र मत परिवर्तन गर्ने समय आयो-केसी

थप प्रमुख समाचार