औषधि व्यवसायी संघको अध्यक्षमा दाहाल

Avatar आदर्श समाज सम्वाददाता
असाेज ५, २०७६

खैरेनीटार, ५ असोज । औषधि व्यवसायी संघ तनहुँको दमौलीमा भएको एघारौं साधारणसभा तथा चौथो अधिवेशनले नयाँ कार्यसमितिको अध्यक्षमा राजु दाहाललाई निर्वाचित गरेको छ ।

समितिको उपाध्यक्षमा दयाराम पाण्डे, महासचिवमा सुन्दर बस्याल, कोषाध्यक्षमा सूर्य बहादुर थापा, सचिवमा ऋषि गिरी, सहकोषाध्यक्षमा रुकमिणि नेपाल र सदस्यहरुमा बिनय श्रेष्ठ, धर्मदत्त पौडेल र देविभक्त राना निर्वाचित भएका छन् ।

कार्यक्रमका प्रमुख अतिथि बैकुष्ठ न्यौपानेले व्यवसायीहरुले गुणस्तरीय सेवा दिन आग्रह गरे । कार्यक्रममा केन्द्रीय महासचिव रामचन्द्र शर्मा, केन्द्रीय सचिव यमनाथ पौडेल, गण्डकी अञ्चल अध्यक्ष रामबहादुर क्षत्री, बन्दीपुर गाउँपालिका अध्यक्ष पूर्ण सिंह थापा, सचिव सुन्दर बस्याल लगायतले वोलेका थिए ।

औषधि व्यवसायी संघ तनहुँका अध्यक्ष दामोदर भण्डारीको अध्यक्षता रहेको कार्यक्रमा स्वागत उपाध्यक्ष तिलबहादुर कार्कीले गरेका थिए भने सञ्चालन महासचिव राजु दाहालले गरेका थिए