फोहोर छुट्याउने बाल्टिन वितरण

Avatar आदर्श समाज सम्वाददाता
असाेज ३, २०७६

वेष्ट मेनेजमेन्ट रिसाईकलिङ्ग प्रालिको सहयोगमा पोखरा १० का टोलटोलका सबै घरघरमा फोहरलाई मोहरमा परिवर्तन गर्न घरघरमा निस्किने बिक्री हुने फोहर छुट्टाउने हरियो रंगको बाल्टिन वितरण गरिएको छ।

वडा सदस्य दीपकबहादुर थापाले अन्नपूर्ण मार्ग (ख) टोल विकास संस्था, भद्रकाली दिदी बहिनी समूह, स्वर्णीम टोल विकास संस्था र स्वर्णीम टोल आमा समूहका अध्यक्षलाई फोहर छुट्टाउने बाल्टिन हस्तान्तरण गरेका हुन्।

उनले वडाले फोहरलाई घरघरबाटै न्यून गराउने लक्ष्य अनुसार प्रालिको सहयोगमा बाल्टिन वितरण गरिएको बताए।

पोखरा महानगरपालिका सरसफाइ महाशाखा र वडा समिति कार्यालयमा वडा १० को सहयोग, नेपाल रेडक्रस सोसाइटी लैङ्गिक समावेशीकरण तथा सामाजिक उपसमिति पोखरा १० को व्यवस्थापनमा सो कार्यक्रम भएको हो।

कार्यक्रममा वडा सदस्य नीशा मल्ल ठकुरी, पोखरा महानगरपालिका सरसफाइ महाशाखा शाखा प्रमुख कल्पना बराल, वेष्ट मेनेजमेन्ट रिसाईकलिङ्ग प्रालि पोखराका संचालक विष्णुप्रसाद अधिकारी शर्मा, भद्रकाली दिदी बहिनी समूह अध्यक्ष अन्जना बराल घिमिरे, स्वर्णीम टोल विकास संस्थाका अध्यक्ष दिलीप श्रेष्ठ, नांगिन टोल विकास संस्थाका अध्यक्ष धनमाया गुरुङ्ग, जनप्रिय टोलका अध्यक्ष पवित्रादेवी गुरुङ्ग लगायतले विचार व्यक्त गरेका थिए।

वडा १० का वडा सदस्य एवं सरसफाइ अभियन्ता सम्मरबहादुर श्रेष्ठको अध्यक्षतामा भएको कार्यक्रममा रेडक्रस सोसाइटी पोखरा १० उपशाखाका उपसभापति जीवन श्रेष्ठले स्वागत र प्रालिका फिल्ड इञ्चार्ज प्रकाश पौडेलले संचालन गरेका थिए।

तपाइको विचार व्यक्त गर्नुहोस्

हाम्रो सुझाव

रेडक्रसको रक्तदान

पाल्पाली समाजको सामूहिक टीका

हेमजा बचतको १४ औं साधारणसभा

सहारा क्लब अष्ट्रेलियाबाट सहयोग

प्रमुख समाचार

दश वर्षमा मध्यम स्तरको विकसित राष्ट्र –मुख्यमन्त्री गुरुङ

थप प्रमुख समाचार