एड्स रोग नियन्त्रण संघको साधारण सभा

आदर्श समाज सम्वाददाता
असाेज ३, २०७६
aids_Fotor

एड्स रोग नियन्त्रण संघ पोखरा–१ को २१ औं साधारण सभा सम्पन्न भएको छ।

संघ अध्यक्ष विश्वमोहन गौचनको अध्यक्षतामा भएको सभाले संघको हालको नाम परिवर्तन गरी ‘एड्स नियन्त्रण संघ’ राख्ने निर्णय गर्दै विधान संशोधन गर्न सचिव अमृतलाल श्रेष्ठको प्रस्ताव पारित गरेको छ।

यस्तै, संघ सचिव श्रेष्ठले आर्थिक वर्ष २०७५/०७६ मा संघले गरेका कार्यक्रम र चालु आवका लगि प्रस्तावित कार्यक्रमसँगै कोषाध्यक्ष रामप्रसाद अधिकारीले पेश गरेको आव २०७५/०७६ को लेखा र कोषाध्यक्षको प्रतिवेदन सर्वसम्मत पारित गरेको छ।

स्थापनाकालदेखि संघले एचआइभी एड्सको उच्च जोखिममा रहेका युवायुवती, किशोरकिशोरी, विद्यालय तथा क्याम्पसका छात्रछात्रा, नारी समूह, यातायातकर्मीबीच विभिन्न सचेतनामूलक कार्यक्रम गर्दैआएको संघ अध्यक्ष गौचनले जानकारी दिए।

संघले पोखराको पुरुञ्चौरमा आँकुरा केयर भिलेज स्थापना गरी एचआइभी संक्रमितको संरक्षणमा समेत काम गर्दै आएको छ।

एचआइभी र एड्सविरुद्ध सचेतना दिन ‘लक्ष्मी’ र ‘प्रतिबद्धता’ नामक वृत्तचित्र निर्माण गरी विभिन्न स्थानमा प्रदर्शन समेत गर्दैआएको छ।

कार्यक्रममा संघका सल्लाहकार गोविन्द शर्माले संघका गतिविधिबारे भनाइ राखेका थिए।

Related News

सम्बन्धित समाचार

    hero news full width

    Gandaki University

    sanil ads

    wordlink ads