कोरोना [कोभिड-१९] ताजा अपडेट
यहाँ क्लिक गर्नुहोस्

सञ्चय कोषको ५८ औं वार्षिकोत्सव

Avatar आदर्श समाज सम्वाददाता
असाेज ३, २०७६

कर्मचारी सञ्चय कोष शाखा कार्यालय पोखराले हालै ५८ औं वार्षिकोत्सव मनाएको छ।

गण्डकी प्रदेशका मुख्य सचिव हरिप्रसाल बस्यालले वार्षिकोत्सव उद्घाटन गर्दै राष्ट्रसेवक कर्मचारीहरुले जीवनभरी मेहनत गरेर कमाएको रकमको सही स्थानमा सञ्चय गर्न सकौं भन्ने चाहना अनुसार कोषले काम गर्नुपर्ने बताए। ‘कोषमा आफ्नो रकम असुरक्षित छ कि भन्ने भावना मनमा आउन दिनु हुँदैन, ’ उनले भने।

कास्कीका प्रमुख जिल्ला अधिकारी रमेशबहादुर केसीले समय र प्रविधिसँगै कार्य प्रणाली परिवर्तन गर्न सुझाव दिँदै मुलुक संघीयतामा गइसकेकाले सोही अनुरुप कोषले नागरिकलाई सुविधा दिनुपर्ने बताए।

सो अवसरमा नेपाल पत्रकार महासंघ कास्कीका अध्यक्ष दीपेन्द्र श्रेष्ठ, ओम डेभलपमेन्ट बैंकका प्रमुख कार्यकारी अधिकृत विश्वमोहन अधिकारी, कर्मचारी युनियन कास्कीका सचिव तथा नापि कार्यालय पोखराका प्रमुख खिमलाल गौतम, कामु उपप्रबन्धक रामप्रसाद अधिकारी लगायतले भनाइ राखेका थिए।

वार्षिकोत्सव अवसरमा आयोजना गरिएको खेलकुद प्रतियोगितामा प्रथम, द्वितीय र तृतीय हुने कर्मचारीलाई पुरस्कृत गरिएको थियो। सञ्चय कोष पोखराका प्रमुख दिलीपराज पौडेलको अध्यक्षतामा भएको कार्यक्रमको संचालन सहायक प्रबन्धक पारसमणि भण्डारीले गरेका थिए।