बुटवल २ भदौ । प्रदेश ५ को अस्थायी राजधानी बुटवलमा संविधान दिवसका अवसरमा तामझामका साथ तयारी थालेको छ ।
हरेक नागरिकलाई संविधानप्रति अपनत्व जगाउनका लागि रचनात्मक सहितको कार्यक्रमको आयोजना गरिएको प्रदेश ५ सरकारका प्रवक्ता वैजनाथ चौधरीले जानकारी दिए ।
दिवसलाई भब्य रुपमा मनाउँनको लागि प्रदेश ५ को राजधानी बुटवलका सडकका बीच भागमा राष्ट्रिय भण्डा राखिएको छ । प्रदेशका मुख्यमन्त्री शंकर पोखरेलको अध्यक्षतामा ९७ सदस्सीय समिति गठन गरेर दिवस मनाउन लागिएको हो ।
घोषित कार्यक्रम अन्तर्गत विहीवार पहिलो दिन बुटवल क्षेत्रमा बृहत्त सरसफाइ गरिएको छ । सरसफाइमा प्रदेश ५ का मुख्यमन्त्री शंकर पोख्रेल सहितका मन्त्रीहरु सरकारी कार्यालयका प्रमुखहरु तथा सुरक्षानिकायको सहभागिता रहेको थियो । संविधान दिवसलाई जोडेर डेंगु विरुद्ध अभियान समेत चलाउने र त्यसका लागि स्थानीय तहसंग समन्वय भएको प्रदेश ५ को आन्तरिक मामिला तथा कानून मन्त्रालयका सचिव शंकर खरेलले बताए ।
प्रदेशका सबै सरकारी कार्यालय, मुख्य चोकहरु र घरघरमा नेपाली झण्डा फहराउने, बिद्यालय स्तरीय कबिता बाचन, साँस्कृतिक कार्यक्रम, रक्तदान, बृक्षारोपण लगाएतका कार्यक्रमहरु गरिने प्रदेश सरकारले जानकारी दिएको छ । भदौ ३ गते बिभिन्न भेषभूषा सहितको बृहत झाँकी,बाजा गाजा सहितको र्याली प्रदर्शन गर्ने र बुटवल मण्डपमा बिशेष कार्यक्रम गर्ने तय भएको छ ।
असोज ४ गते सामाजिक विकास मन्त्रालयको अगुवाइमा बुटवल र भैरहवामा रक्तदान गर्ने,भूमि व्यवस्था,कृषि तथा सहकारी मन्त्रालय र उद्योग,पर्यटन,वन तथा वातावरण मन्त्रालयको अगुवाइमा लुम्बिनीमा फलफूलका बिरुवा रोप्ने कार्यक्रम रहेको छ ।
Related News
सम्बन्धित समाचार
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
अधिकारी सरकारको भविष्य के होला ? सर्वाेच्चमा सुनुवाइ आज
मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१