ज्ञानेन्द्रबहादुर शाहीलाई कास्की प्रवेशमा युवा संघको रोक

आदर्श समाज सम्वाददाता
भाद्र ३०, २०७६
bigyapti

पोखरा, ३० भदौ । राष्ट्रिय युवा संघ नेपाल कास्कीले उच्श्रृङखल गतिविधि गरेको भन्दै ज्ञानेन्द्र शाहीलाई कास्की प्रवेशमा रोक लगाएको छ ।

संघले आइतबार एक विज्ञप्ति जारीगरी पछिल्लो समय नेकपा सरकारको विरुद्धमा उच्श्रृङखल, अराजक एवं प्रतिगामी प्रवित्तिका ब्याक्ति र समूहको चलखेल प्रति आफुहरुको गम्भीर ध्यानाकर्षण सहित शाहीलाई कास्की प्रवेशमा रोक लगाएको छ ।

विज्ञप्तिमा भनिएको छ । महान जनयुद्ध, जनआन्दोलन लगायत नेपाली जनताको लामो समय पछिको वलिदानपूर्व त्याग र संघर्षबाट प्राप्त लोकतान्त्रिक गणतन्त्र धर्म निरपक्षता, संघीयता, समावेशीता जस्ता महत्वपूर्ण उपलब्धिहरुका विरुद्धमा केही उच्श्रृङखल अराजक एवं प्रतिगामी प्रवित्तिका ब्याक्ति र समुहको अस्वभाविक चलखेल प्रति हाम्रो गम्भीर ध्यानाकर्षण भएको छ । यस्ता पात्र र प्रवृत्तिहरुलाई निरुत्साहित गर्न हाम्रो संगठन जस्तोसुकै कदम चाल्न सदैव तयार रहेको जानकारी गराउदछौ ।

त्यसैगरी संघले फेसवुक, ट्वीटर, युट्युव लगायतका सामाजिक सञ्जालहरुको दुरुपयोग गरी समाजमा भ्रम सिर्जनागर्न खोज्न, द्धन्द्ध सिर्जना गर्न उस्काउनेहरु पछिल्ला उपलव्धि र परिवर्तनको विरोधी तत्वहरुबाट प्रायोजित तथा सञ्चालित भएको आरोप लगाएको छ । विज्ञप्तिमा भनिएको छ , हाम्रो संगठन यस्ता प्रतिगामी तत्वहरुको विरुद्धमा आवश्यक्ता अनुसार प्रतिरोध कार्यक्रम सञ्चालन गर्न बाध्य हुने चेतावनी दिन चाहान्छौ ।

पछिल्लो समयमा यस्ता गलत अभियानमा संलग्न ज्ञानेन्द्र बहादुर शाह (ज्ञानेन्द्र शाही) जस्ता कुपात्रहरुलाई गणतान्त्रिक भूमि कास्कीमा प्रवेश निषेध गर्ने जानकारी गराउदै आम न्यायप्रेमी जनसमुदायमा विधीको शासन पछिल्लो परिवर्तन तथा उपलव्धिको पक्षमा दृढतापूर्वक उभिनुभई सहयोग गरिदिनुहुन हार्दिक अपिल गर्दछौ । विज्ञप्तिमा भोजराज पौडेल अध्यक्ष साविकको वाइसिएल नेपाल कास्की र डिल्लीराम सुवेदी साविकको अध्यक्ष युवा संघ नेपालद्धारा हस्ताक्षर गरिएको छ ।

Related News

सम्बन्धित समाचार

    hero news full width

    मुख्य समाचार

    Gandaki University

    sanil ads

    wordlink ads