पोखरामा प्रोग्रेसिभ फाइनान्स

Avatar आदर्श समाज सम्वाददाता
भाद्र ३०, २०७६

प्रोग्रेशिभ फाइनान्स लिमिटेडले पोखरा महानगरपालिका ४ चिप्लेढुङ्गामा नयाँ शाखाको आरम्भ गरेको छ। शाखाको उद्घाटन आइतबार एक समारोह बिच पोखरा महानगरपालिकाका मेयर मानबहादुर जि.सि ले गरेका हुन। चुक्ता पूँजी रु. ८० करोड १ लाख रहेको फाइनान्सको काठमाण्डौंको तिनकुनेमा कपोर्रेट कार्यालय रहेको छ।

न्यूरोडमा मूख्य शाखा सहित तीनवटा शाखा र ललितपुरको पूल्चोक, महालक्ष्मीस्थान तथा भक्तपुरको थिमिमा एक्सटेन्सन काउण्टर मार्फत् निरन्तर वित्तीय सेवा प्रदान गर्दै आइरहेको प्रमुख कार्यकारी अधिकृत बिशाल हुमागाईले बताए।

देशका सबै भूगोलको प्रतिनिधित्व हुनेगरी शाखा बिस्तारको योजना राखेको फाइनान्सले निकट भविष्यमा धनुषा जिल्लाको सबैला, महेन्द्रनगर र सर्लाहिको मलंगवामा नयाँ शाखा संचालनमा ल्याउने योजना रहेको फाइनान्सका अध्यक्ष किशोर कुमार महर्जनले बताए।

बित्तीय क्षेत्रमा सरल, सहज र ग्राहकमुखी सेवालाई बढी प्राथमिकतामा राखी बैंकिङ सेवा उपलब्ध गराउन प्रतिबद्ध रहेको अध्यक्ष महर्जनले बताए।

शाखाको आरम्भ कार्यक्रममा पोखरा महानगर वडा नं ४ का अध्यक्ष शंकरप्रसाद वास्तोला, नेपाल पत्रकार महासंघ कास्कीका अध्यक्ष दिपेन्द्र श्रेष्ठ, ज्यापु समाज यल ललितपुरका पूर्व अध्यक्ष कुललाल डंगोल, रामकाजी अवाले, पूर्व उपाध्यक्ष तीर्थलाल महर्जन, प्रोग्रेशिभ फाइनान्सका संचालक लक्ष्मी प्रसाद महर्जन सो अवसरमा उपस्थित थिए।

यसैगरी शम्भुलाल डंगोल, समुन्द्रकाजी श्रेष्ठ, सबिना महर्जन तथा अनिष महर्जन, फाइनान्सका नायव प्रमुख कार्यकारी अधिकृत महेश्वर पहारी लगायत पोखरा बैकिङ्ग क्षेत्रका प्रमुख, उद्योगी, ब्यापारी, संचारकर्मी र सर्वसाधारण व्यक्तिहरुको पनि उपस्थिति रहेको फाइनान्सका प्रमुख कार्यकारी अधिकृत बिशाल हुमागाइले बताए।

तपाइको विचार व्यक्त गर्नुहोस्

हाम्रो सुझाव

कोअपरेटिभ म्यानेजर्स क्लबमा बस्नेत

हेमजा बचतको १४ औं साधारणसभा

चार करोड लगानीमा वातावरण मैत्री उद्योग सञ्चालन

किसान सहकारीमा मोतिराम

प्रमुख समाचार

मन्त्रिपरिषद् हेरफेर हुँदै