मौजा स्वास्थ्य चौकीलाई सांग्रीलाद्वारा टेलिभिजन प्रदान

आदर्श समाज सम्वाददाता
भाद्र ३०, २०७६
mauja telivision bitaran programme_Fotor

पोखरा, लायन्स क्लब अफ पोखरा सांग्रिलाले मौजा स्वास्थ्यचौकीलाई एक थान टेलिभिजन हस्तान्तरण गरेको छ।

क्लबमा आवद्ध सदस्यहरुले रकम संकलनगरी पोखरा महानगर वडा नम्बर २० मा रहेको मौजा स्वास्थ्य चौकीलाई एक थान स्मार्ट टेलिभिजन प्रदान गरेको हो। शनिवार एक कार्यक्रमका बीच लायन्स क्लब अफ पोखरा सांग्रिलाका द्धितीय उपाध्यक्ष ज्ञानहरि आचार्य सहितको टोलीले पोखरा महानगरपालिका वडा नम्बर २० का अध्यक्ष तथा स्वास्थ्य चौकी ब्यवस्थापन समितिका अध्यक्ष समेत रहेका सीम गुरुङ र स्वास्थ्य चौकीका स्वास्थ्यकर्मी शिव केसीलाई टेलिभिजन हस्तान्तरण गरेका हुन।

सो अवसरमा वोल्दै वडा नम्बर २० का अध्यक्ष सीम गुरुङले मौजा स्वास्थ्य चौकी आफैमा दुर दराजमा रहेको र प्रशस्त पूर्वाधारहरु नरहेको अवस्थामा लायन्स क्लब अफ पोखरा सांग्रिलालले टेलिभिजन हस्तान्तरण गरेकोमा धन्यवाद ब्यक्त गरे। लायन्स क्लबहरुले सहयोग गरेको खण्डमा आफ्नो वडाले समेत सहकार्य गरी मौजा र मोहोरियामा हरेक ३ महिनामा वृहत स्वास्थ्य शिविर संचालन गर्ने आफ्नो उद्देश्य रहेको गुरुङले बताए।

आफ्नो कार्यकालमा पोखरा २० मा गाउँघर क्लिनकहरु स्थापना गरी मौजा र मोहोरिया गाउँमा उपचार अभावमा जीवन विताइरहेका जनताहरुको सेवामा लाग्ने वताउदै स्वास्थ्य चौकीमा समेत आफ्नो तर्फबाट सहयोग गर्ने प्रतिवद्धता ब्यक्त गरे।

त्यस्तै मौजा स्वास्थ्यचौकीका स्वास्थ्यकर्मी शिव केसीले मौजा स्वास्थ्य चौकीलाई लायन्स क्लव अफ पोखरा सांग्रिलाले प्रदान गरेको स्मार्ट टेलिभिजन मनोरन्जनका लागी प्रयोग नगरीकन हालै विद्यमान रुपमा माहामारीको रुपमा फैलिएको डेंगु रोग जस्ता विभिन्न रोगहरुको रोकथामका उपायहरुको वारेमा सेवाग्राहीलाई जानकारी दिइने वताए। स्वास्थ्य चौकीमा इन्टरनेट जडान गरिएकाले इन्टरनेटको माध्यामबाट विभिन्न रोगहरुको बारेमा सेवाग्राहीहरुलाई जानकारी दिइने उनको भनाइ रहेको थियो।

लायन्स क्लब अफ पोखरा सांग्रिलाका द्धितीय उपाध्यक्ष ज्ञानहरि आचार्यले आफुहरुको क्लब सधै मानवीय सेवामा लागी रहेको वताउदै सोही अनुरुप क्लबमा आवद्ध सदस्यहरु मिली मौजा स्वास्थ्य चौकीलाई स्मार्ट टेलिभिजन प्रदान गरिएको र आगामी दिनमा मौजामा स्वास्थ्य क्षेत्रमा देखिएका समस्याहरुको समाधानका लागी वडा नम्बर २० र मौजा स्वास्थ्यचौकीसंग सहकार्य गर्ने प्रतिवद्धता ब्यक्त गरे।

क्लबका सचिव अनिल लामिछानेले संचालन गरेको कार्यक्रममा क्लबका सह सचिव केशव मर्सानीले स्वागत मन्तब्य ब्यक्त गरेका थिएभने प्रतीक सुवेदी, पोखरा महानगरपालिका वडा नम्बर २० सडक सञ्जाल समितीका संयोजक प्रकाश गुरुङ (मिथुन), डम्बर भुजेल, स्वास्थ्यचौकीका स्वयंसेवीकाहरु लगायतको उपस्थिति रहेको थियो।

Related News

सम्बन्धित समाचार

    • निषेधाज्ञा खुलेपछि डुङ्गा व्यवसायी आशावादी

      रासस श्रावण १०, २०७८
      लेखनाथ । दश दिनयता आन्तरिक पर्यटक फाटफुट देखिन थालेपछि बेगनास तालका डुङ्गा व्यवसायीको मुहारमा खुशी देखिन थालेको छ । कोरोना…
    • सराङकोटलाई धार्मिक पर्यटकीय क्षेत्र बनाउन पहल

      श्रीभद्र पौडेल श्रावण १०, २०७८
      हेमजा । पोखरा १८ सराङकोटलाई धार्मिक पर्यटकीय क्षेत्रका रुपमा चिनाउन पहल थालिएको छ । जसअन्तर्गत सराङकोट टपमा ४० करोडको गुरुयोजनासहित…
    • सराङकोटमा धार्मिक पर्यटनको गुरुयोजना

      रासस श्रावण ९, २०७८
      पोखरा । पोखरास्थित पर्यटकीय गन्तव्य सराङकोटमा धार्मिक पर्यटन आकर्षित गर्न शुरु गरिएको शिव मन्दिर, दृश्यावलोकन केन्द्र (भ्यूटावर), गणेश मन्दिर निर्माणलगायत…
    • भूमि अधिकार मञ्चको विरोध

      आदर्श समाज सम्वाददाता श्रावण ९, २०७८
      पोखरा  । सरकारले भूमिसम्बन्धी समस्या समाधान आयोग खारेज गर्न लागेकोमा राष्ट्रिय भूमि अधिकार मञ्च कास्कीले विरोध गरेको छ । स्थानीय तहमार्फत…
    • पोखरा–ढाका उडानबारे छलफल

      आदर्श समाज सम्वाददाता श्रावण ९, २०७८
      पोखरा  । पोखरा–ढाका सिधा हवाइ उडान तयारीबारे विमान बंगलादेशका प्रतिनिधि र पोखराका पर्यटन व्यवसायीले छलफल गरेका छन् । नेपाल एशोसिएसन अफ…

    hero news full width

    Gandaki University

    sanil ads

    wordlink ads