रुपन्देहीमा गोली चल्यो, १ को मृत्यु

Avatar आदर्श समाज सम्वाददाता
भाद्र २९, २०७६

बुटवल २९ भदौ । रुपन्देहीको रोहिणी गाउँपालिका–३ मा अज्ञात समूहको गोली लागेर एक जनाको मृत्यु भएको छ । आइतबार दिउँसो अज्ञात व्यक्तिको गोली लागेर ओमसटिया ४ का ४० वर्षीय महेन्द्र कुर्मीको मृत्यु भएको जिल्ला प्रहरी कार्यालय रुपन्देहीका प्रहरी प्रमुख प्रहरी उपरक्षिक हृदय थापाले जानकारी दिए ।

कुर्मी लु ९ प ८२३५ नम्बरको मोटरसाइकलमा धकधई जाँदै थिए । उनको बायां कुममा गोली लागेको छ । गोली कसले र किन चलायो भन्ने खुल्न नसकेको प्रहरीले जनाएको छ । तर, स्थानीयले भने कुर्मी बैंकबाट रकम निकालेर आउँदै गर्दा बाइकमा आएको डाकाको समूहले गोली हानेको दाबी गरेका छन् ।

उनीहरुले कुर्मीसँग भएको रकम पनि लुटेको स्थानीयको बताएका छन् । घटनापछि प्रहरीले गोली हान्नेको खोजी गरिरहेको छ । घटनास्थलमा ठुलो संख्यामा सर्वसाधारणहरुको उपस्थिति रहेको छ ।

तपाइको विचार व्यक्त गर्नुहोस्

हाम्रो सुझाव

बेपत्ता श्रीपाली मृत फेला

नेपाल शिक्षक महासंघका अध्यक्ष पैडेललाई मातृशोक

दुर्घटनामा २ घाइते

प्रमुख समाचार

मन्त्रिपरिषद् हेरफेर हुँदै

थप प्रमुख समाचार