भ्रष्टाचार विरुद्ध नागरिक सचेतना

Avatar आदर्श समाज सम्वाददाता
भाद्र २६, २०७६

लमजुङ, २६ भदौ । लमजुङमा भ्रष्टाचार विरुद्ध नागरिक सचेतना अभियान थालिएको छ । सामाजिक न्याय अभियानका अभियन्ता एवं अधिवक्ता सुदर्शन जोशीको विशेष पहलमा उक्त कार्यक्रम गरिएको हो ।

सुशासन, सूचनाको हक र नागरिक सचेतना विषयमा प्रस्तोता अधिवक्ता जोशीले कार्यक्रममा नेपाल भ्रष्टाचारको तथ्याङ्कमा नेपाल एक सय ४८औं स्थानमा रहेको वताए । नेपालको मौलिक अभियानका रूपमा शुरु गरिएको थाहा अभियान जस्तै सचेतनाका लागि लमजुङबाट अभियान शुरु भएको र यस अभियानले असल नागरिकहरू निर्माण गर्ने छ त्यसका लागि आफूले सक्दो सहयोग गर्ने प्रतिबद्धता व्यक्त गरे । उनले असल शासन तथा प्रशासन हुनको लागि नागरिक सचेतना अनिवार्य रहेकोमा जोड दिनु हुँदै यस्ता कार्यक्रम गर्नुपर्ने आवश्यकता छ भने ।

कार्यक्रममा सामाजिक न्याय अभियन्ता राजु थापाले राज्यका शासन संयन्त्रमा रहेका ठूला व्यक्तिहरू नै नीतिगत तहबाटै हुने हुँदा यो प्रणाली बदल्नु पर्ने बताए । उनले नीतिगत रूपमा हुने भ्रष्टाचारको विरुद्धमा नागरिक अभियान चलाउनु पर्ने वताए । थापाले भ्रष्टाचार न्यूनिकरण गर्नका लागि दरो प्रतिपक्ष चाहिन्छ तर प्रतिपक्ष समेत बोल्दैन यसरी नबोल्नुको कारण आफ्नै नैतिक धरातल नभएको पुष्टि हुँदैछ भन्ने ठोकुवा गरे ।

पत्रकार अन्जनकुमार हिमालीले राज्यको सबै तहमा भ्रष्टाचार भएको हुँदा सबै लागेर न्यूनीकरण गर्नुपर्ने वताए । अभियन्ता रामजी बसौलाले भ्रष्टाचार अति जटिल कुरा भएको हुँदा यो निवारण गर्न पनि जटिल भएको वताए । उनले भ्रष्टाचार कहाँ भएको छ भन्दा पनि कहाँ छैन भनेर खोज्नु पर्ने अवस्था आएको छ भने । अजितबहादुर अधिकारीले भ्रष्टाचार नेपालको रोग नै भएको हुँदा यसलाई ठूलै अप्रेशन गर्नुपर्ने बेला आएको बिचार व्यक्त गरे ।

कार्यक्रममा दिपक अधिकारी, झपिन्द्र न्यौपाने, रीना थापा, मधुसुदन अधिकारीलगायतले आफ्नो धारणा व्यक्त गरेका थिए ।अभियानका जिल्ला संयोजक वासुदेव सेढाईको अध्यक्षतामा गरिएको कार्यक्रमको सञ्चालन वासुदेव थापाले गरेका थिए ।

तपाइको विचार व्यक्त गर्नुहोस्

हाम्रो सुझाव

उपचारक्रममा बिरामीको मृत्यु

बंगलादेशका राष्ट्रपति आज आउँदै

समाजवादी पार्टीको घरदैलो तीव्र

प्रमुख समाचार

कम्युनिष्टले मुलुकलाई उल्टो बाटोमा लग्यो -नेता रिजाल