पोखरा, २५ भदौ । लायन्स क्लब अफ पोखरा पिस सिटीले पहिलोपटक फुटवल प्रतियोगितामा सहभागी हुने लायन्स खेलाडीलाई सामुहिक दुर्घटना बीमा गरेको छ ।
लायन्स क्लब अन्तर्रा्ष्ट्रिय डिष्ट्रिक्ट ३२५ बी १ नेपाल अन्तर्गतको लायन्स क्लब अफ पोखरा पिस सिटीको आयोजनामा असोज २ गतेदेखि ४ गतेसम्म पोखरामा सम्पन्न हुने छैटौँ अन्तर लायन्स सेवेन ए साइड फुटबल प्रतियोगिता–२०७६ मा सहभागी हुने लायन्स खेलाडीलाई सामुहिक दुर्घटना बीमाको व्यवस्था गरेको हो ।
अन्तर लायन्स फुटवल प्रतियोगितालाई सगरमाथा इन्स्योरेन्स कम्पनी लिमिटेडले पहिलो पटक साथ दिएको छ । भाद्र २५ गते सगरमाथा इन्स्योरेन्सका सहायक महाप्रवन्धक कविराज पौडेल र आयोजक, लायन्स फुटवल प्रतियोगिताका संयोजक एवं क्लबका पूर्व अध्यक्ष टंकराज अधिकारी बीच सम्झौता भएको छ ।
खेल सञ्चालनको क्रममा खेलाडी रेफ्री र अफिसियल दुर्धटना भएमा ५ लाखसम्मको बीमा गरिएको छ । दुर्घटनाको कारणले औषधोपचार गर्न परेमा बिमाङ्क रकमको १० प्रतिशतले नबढ्ने गरी रु ५० हजार रुपैया सम्मको आवश्यक तथा वास्तविक औषधोपचार खर्च लिन सकिने इन्स्योरेन्स कम्पनीका सहायक महाप्रवन्धक पौडेलले जानकारी दिएका छन् । उनका अनुसार बीमा कम्पनीबाट जारी भएको विमालेखको लाभ तालिकाको क देखि ग सम्म र ङ समेतमा उल्लेखित लाभ लिन सकिने छ ।
लायन्स क्लब अफ पोखरा पिस सिटीले आफ्नो स्थापनाकालदेखि नै विभिन्न लायन्स क्लबहरुबीचमा आपसी भाइचारा एवं सम्बन्ध प्रगाढ गर्नका लागि स्पोर्ट फर फेलोसीप भन्ने मूल नाराका साथ अन्तर लायन्स फुटबल प्रतियोगिता सञ्चालन गर्दै आएकोमा यस वर्ष पनि त्यसलाई निरन्तरता दिइएको प्रतियोगिताका संयोजक एवं क्लबका पूर्व अध्यक्ष अधिकारीले जानकारी दिए ।
उनका अनुसार डिष्ट्रिक्ट ३२५ बी १ मा मात्र सिमित रहेको प्रतियोगिता यसवर्ष देखि मल्टीपल डिष्ट्रिक्ट ३२५ नेपालअन्तर्गत चारवटै डिष्ट्रिक्टका लायन्स क्लबहरुलाई आमन्त्रण गरिएको छ । प्रतियोगितामा प्रथम र दोस्रो हुने टिमलाई ४० हजार ५ सय ५५ र २५ हजार ५ सय ५५ रुपैयाँ नगदसहित ट्रफि र प्रमाणपत्र प्रदान गरिने छ । त्यस्तै अनुशासित टिम, उत्कृष्ट खेलाडी, सर्वाधिक गोल कर्ता, उत्कृष्ठ डिफेन्स र उत्कृष्ट गोल रक्षकलाई पनि पुरस्कृत गरिने क्लबका अध्यक्ष अर्जुन सिग्देलले जानकारी दिए ।
प्रतियोगिताबाट बचेको रकम मानवीय सेवाका कार्यमा खर्चनुका साथै पोखरालाई खेलकूद पर्यटन शहरका रुपमा स्थापित गरी चिनाउने प्रयास गरिने अध्यक्ष सिग्देलले बताए ।प्रतियोगिता सम्पन्न गर्न क्लबका पूर्व अध्यक्ष टंकराज अधिकारीको संयोजकत्वमा २५ वटा बिभिन्न उपसमिति गठन गरिएको छ ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१