असोजको ६ देखि ११ गतेसम्म संगम कप फुटबल

आदर्श समाज सम्वाददाता
भाद्र २३, २०७६
Sangam Cup Football

पोखरा । असोजको पहिलोे सातादेखि पोखरामा सातौं संस्करणको संगम कप फुटवल प्रतियोगिता हुने भएको छ ।

पोखराको संगम क्लवको आयोजनामा फुटवल खेलको विकास गर्ने उद्देश्यले असोजको ६ देखि ११ गतेसम्म लेखनाथको सैनिकबस्तीस्थित भण्डारढिक खेल मैदानमा उक्त प्रतियोगिता हुने भएको क्लवले आइतबार पोखरामा आयोजना गरेको पत्रकार सम्मेलनमा जानकारी गराएको हो ।

पोखरा रंगशालामा फुटवल मैदान हाल निर्माणाधीन अवस्थामा रहेकोले पोखराको स्थानीय आदर्श क्लवले संचालन गरेको भण्डारढिक खेल मैदानमा उक्त प्रतियोगिता संचालन गर्ने प्रतियोगिता संयोजक शिव गुरुङ ‘माया’ ले बताए । पोखरा रंगशालादेखि भण्डारढिक करिब १५ किलोमिटर टाढाको दूरीमा पर्छ ।

पाँच बर्षदेखि संगम कप सेभेन ए साईड फुटवल प्रतियोगिता गर्दै आएको क्लवले छैटौं संस्करण २०७४ देखि फुटवल प्रतियोगिता सुरु गरेको हो । गत वर्ष मैदान अभावले फुटवल प्रतियोगिताले निरन्तरता नपाएको क्लवका अध्यक्ष सुर्य गुरुङले बताए ।

प्रतियोगितामा करिब २४ टिमको सहभागिता हुने संयोजक ‘माया’ले बताए । उनका अनुसार एन्फा कास्कीमा आवद्ध २२ वटा क्लवहरुमध्ये अधिकाशं क्लवहरु सहभागी हुनेछन् । क्लवले यस बर्षदेखि पुरस्कार राशीमा बृद्धि गरेको छ । क्लवले विजेतालाई १ लाख ५० हजार, उपविजेतालाई ९० हजार साथमा शिल्ड, मेडल र प्रमाणपत्र वितरण गर्ने भएको छ ।

अघिल्लो बर्षको तुलनामा विजेतालाई २५ हजार र उपविजेतालाई २० हजार पुरस्कार राशीमा बृद्धि गरिएको क्लवका उपाध्यक्ष विवेक गुरुङले बताए । उनका अनुसार प्रतियोगितामा दर्ता शुल्क ७ हजार लाग्नेछ । एउटा टिममा ‘ए’ डिभिजनका ५ जनासम्म खेलाडीहरु समावेश गर्न पाइनेछ ।

प्रतियोगितामा उत्कृष्ट हुने खेलाडीलाई ७ हजार, प्रतियोगितामा सर्वाधिक गोलकर्ता, उत्कृष्ट गोलरक्षक, उत्कृष्ट डिफेन्स र उत्कृष्ट स्टाइकरलाई जनही ५/५ हजार पुरस्कार प्रदान गरिने जनाइएको छ ।

प्रतियोगिता सम्पन्न गर्न ७ लाख ६० हजार खर्च लाग्ने भएको क्लवका द्धितिय उपाध्यक्ष शिव नेपालीले बताए । स्वदेश तथा विदेशमा रहेका सहयोगीहरुबाट उक्त सहयोग संकलन हुने उनले जनाए । उक्त प्रतियोगिताबाट बचत भएको रकम यू—१५ संगम एकेडेमीमा खर्च गरिने अध्यक्ष गुरुङले बताए । एकेडेमीमा हाल करिब ६० जना वालवालिका रहेको क्लवले जनाएको छ ।

Related News

सम्बन्धित समाचार

    • हङकङ नेपाली गाइजको सहयोग

      आदर्श समाज सम्वाददाता श्रावण १५, २०७८
      पोखरा । १५ औं पोखरा अन्तर्राष्ट्रिय म्याराथनलाई प्रवासबाट सहयोग प्राप्त भएको छ । नेपाल भूतपूर्व खेलाडी मञ्चको आयोजनामा गत वैशाखमा सो…
    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…

    hero news full width

    Gandaki University

    sanil ads

    wordlink ads