एपीएफको टोली नै क्लबस्तरीय भलिबलको बिजेता र उपबिजेता

टिजी गल्र्सलाई महिला तर्फको उपाधि

Avatar आदर्श समाज सम्वाददाता
भाद्र २३, २०७६

पोखरा । लामा अमृत फाउन्डेशन घान्दु्रकले आयोजना गरेको दोस्रो क्लब स्तरिय भलिबल प्रतियोगिताको उपाधि डिफेण्डिङ च्याम्पियन एपीएफ टिम ‘बी’ ले जितेको छ ।

पोखराको नदिपुरमा सम्पन्न फाइनल खेलमा एपीएफ कै ‘ए’ टिमलाई १८–२५, २५–१२, २५–१९, १८–२५ र १६–१४ को सेटले पराजित गर्दै एपीएफ टिम ‘बी’ ले दोस्रो पटक उपाधि जितेको हो ।

उपाधिसँगै टिम ‘बी’ ले शिल्ड, मेडल तथा प्रमाणपत्र सहित नगद ६० हजार प्राप्त ग¥यो । त्यस्तै, उपबिजेता टिम ‘ए’ ले शिल्ड, मेडल तथा प्रमाणपत्र सहित नगद ४० हजारमा चित्त बुझायो ।

उक्त प्रतियोगिताबाट टिम ‘बी’ का सञ्जुबिक्रम शाह सर्बाेत्कृष्ट खेलाडी घोषित भए । त्यस्तै, उत्कृष्ट ब्लकरकामा सोही टिमकै सन्तोष क्षेत्री, उत्कृष्ट सेटरमा सोही टिमकै मिलन राना र उत्कृष्ट स्पाइकरको रुपमा बिष्णु क्षत्री बने । उत्कृष्ट डिफेण्डरमा टिम ‘ए’ का चन्द्र गुरुङ र उत्कृष्ट क्वीकरमा सोही टिमकै मिलन गुरुङ बने ।

त्यस्तै महिलातर्फ टीजी गर्ल तल्लो गगनगौडाले फाइनल खेलमा दोबा समाजलाई ३–१ को सेटले पराजित गर्दै बिजयी बन्यो । टीजी गर्लले नगद २० हजार सहित शिल्ड, मेडल तथा प्रमाणपत्र सहित हात पा¥यो । उपबिजेता बनेको दोबा समाजले नगद १४ हजार शिल्ड, मेडल तथा प्रमाणपत्र हजार प्राप्त ग¥यो ।

प्रतियोगिताबाट टीजी गर्लका ममता पुन उत्कृष्ट खेलाडी बने । उत्कृष्ट सेटरमा दोबा समाजका निरु पुन र सोही टिमकै सुस्मिता पुन उत्कृष्ट स्पाइकर बने ।

प्रतियोगिताका खेल संयोजक अनिल गुरुङका अनुसार भेट्रान्सतर्फ लालीगुँरास पुन समाज लामाचौरलाई फाइनल खेलमा ३–० को सोझो सेटले स्तब्ध पार्दै अर्चलबोट भेट्रान्सले उपाधि जित्यो ।

अर्चलबोटले नगद १५ हजार सहित शिल्ड, मेडल तथा प्रमाणपत्र पुरस्कार जित्यो । उपबिजेता टिम लामाचौरले १० हजारसहित शिल्ड, मेडल तथा प्रमाणपत्रमा चित्त बुझायो । उक्त प्रतियोगिताबाट लामाचौरका मनप्रसाद पुन उत्कृष्ट खेलाडी बने ।

कार्यक्रममा प्रमुख अतिथि राष्ट्रिय खेलकुद परिषदका सदस्य राजेश कुमार गुरुङ, मुख्य प्रायोजक सु. नरबहादुर गुरुङलगायतले बिजेता तथा उपबिजेता टिमलाई पुरस्कार बितरण गरे ।

तपाइको विचार व्यक्त गर्नुहोस्

प्रमुख समाचार

ज्ञानेन्द्रबहादुर शाहीलाई कास्की प्रवेशमा युवा संघको रोक