स्वतन्त्र रहनुमै पत्रकारको प्रतिष्ठा हुन्छ-प्रजिअ ढकाल

Avatar आदर्श समाज सम्वाददाता
भाद्र २१, २०७६

पाल्पा २१ भदौ । राजनीतिक दबदबा रहेको समाजमा स्वतन्त्र रहेर बाँच्न निकै कठिन भएपनि स्वतन्त्र रहनुमै पत्रकारको प्रतिष्ठा हुने पाल्पाका प्रमुख जिल्ला अधिकारी उमेशकुमार ढकालले बताएका छन् ।

नयाँ प्रमुख जिल्ला अधिकारीको रूपमा महोत्तरीबाट यसैसाता पाल्पा आएका प्रजिअ ढकालले शुक्रबार आफ्नै कार्यकक्षमा आयोजना गरेको पत्रकार भेटघाट कार्यक्रममा बोल्दै दलगत पत्रकारिताले समस्या सिर्जना गर्ने भएकोले पत्रकार स्वतन्त्र रहन सकेमा पेशाप्रतिको इमान्दारिता झल्किने बताए ।

उनले सुन्दर शान्त पर्यटकीय जिल्ला पाल्पाको सांस्कृतिक, पर्यटकीय साथै विविध सम्भावनाका क्षेत्र पहिल्याइ विकास निर्माण र सेवा प्रवाहमा सहजीकरण गर्ने बताए । जिल्लाको सिद्धबाबा सडकखण्ड सुधार, बजार तथा सेवा प्रवाह गर्ने कार्यालयहरूको नियमित अनुगमन, जनगुनासो सम्बोधन, पत्रकार भेटघाट, जनप्रतिनिधि नागरिक समाजसँगको भेटघाट र अपेक्षा अनुसार प्रशासनिक क्षेत्रको सुधारमा परामर्श सहित कार्ययोजना बनाएर लाग्ने प्रजिअ ढकालले प्रतिबद्धता जनाए ।

कार्यक्रममा पत्रकारहरूले बजार अनुगमन, सूचना अधिकारीको नियमित बैठक, सूचना लेनदेनमा सहजीकरण गर्न प्रजिअसँग आग्रह गरेका थिए । यस्तै सहभागी पत्रकारहरूले कर्मचारी राजनीतिक धारणाबाट प्रेरित नभएर पत्रकारमैत्री बन्नुपर्नेमा जोड दिएका थिए । यसअघि पाल्पाका प्रमुख जिल्ला अधिकारी बीरेन्द्रकुमार यादव कर्णाली प्रदेशको आन्तरिक मामिला तथा कानून मन्त्रालयको सचिवको रूपमा बढुवा सहित सुर्खेत सरूवा भएपनि महोत्तरीमा प्रजिअकै रूपमा रहेका उमेशकुमार ढकाल प्रमुख जिल्ला अधिकारीको रूपमा पाल्पा आएका हुन् ।

तपाइको विचार व्यक्त गर्नुहोस्

हाम्रो सुझाव

आज महाशिवरात्रि

ज्येष्ठ नागरिकलाई खाद्यान्न, भवन शिलान्यास

श्रीकृष्ण प्रणामी वृन्दावनधाममा सहयोग

दर्शन सहकारीको वार्षिकोत्सव

प्रमुख समाचार

आज महाशिवरात्रि

थप प्रमुख समाचार

नाटक ‘यो कस्तो महाभारत’

कामनालाई कर्पोरेट सूपर सिक्सेस उपाधि

श्रीकृष्ण प्रणामी वृन्दावनधाममा सहयोग