एसीसी यू–१९ क्रिकेट: श्रीलंकासँग नेपालको हार

आदर्श समाज सम्वाददाता
भाद्र २१, २०७६
SI_M8817

पोखरा । श्रीलंकामा जारी एसीसी यू–१९ एसिया कप क्रिकेटको पहिलो खेलमा नेपाल पराजित भएको छ ।

कोलम्बोमा शुक्रबार भएको पहिलो खेलमा नेपाल घरेलु टोली श्रीलंकासँग डीएल पद्दतिको आधारमा ५ विकेटले पराजित भएको हो ।

आर प्रेमादशा अन्तराष्ट्रिय क्रिकेट मैदानमा वर्षाको कारण ४२ ओभरमा झारिएको खेलमा नेपालले दिएको १६० रनको सामान्य लक्ष्य श्रीलंकाले ३३ ओभर ४ बलमा ५ विकेट गुमाएर पूरा गरेको थियो ।

खेलको ९ ओभर चल्दै गर्दा वर्षाको कारण खेल रोकिएपछि ४२ ओभरमा खेल झारिएको थियो । श्रीलंकाको जितमा कमिल मिश्राले ५५ रनको अर्धशतकीय इनिङ्स खेले । यस्तै, अहान विक्रमसिंगेले ३० तथा अभिस्का थारिन्दुले अविजित २५ रन बनाए ।

नेपालका राशिद खानले २ विकेट लिए । पवन सरार्फ, कमलसिंह ऐरी र सागर ढकालको नाममा समान १ विकेट रह्यो । टस जितेर पहिले ब्याटिङ गरेको नेपालले पूरै ४२ ओभरमा ९ विकेट गुमाएर १५९ रन बनाएको थियो ।

नेपालको सम्मानजनक स्कोरमा रित गौतमले अर्धशतकीय इनिङ्स खेले । रितले नेपालका लागि ८६ बलमा सर्वाधिक ५४ रन बनाए । यस्तै, कप्तान रोहितकुमार पौडेलले ४७ रन बनाए । राशिद खानले १५ तथा हरिबहादुर चौहानले १२ रन जोडे ।

नेपाललाई सस्तैमा रोक्न श्रीलंकाका दिल्सान मधुशनका र नाभोद दिनुसरीले समान ३ विकेट लिए । जितसंगै समूह ‘बी’ को श्रीलंकाले २ अंक जोडेको छ ।

नेपालले हारबाट प्रतियोगिताको सुरुवात गर्दै अंकविहीन छ । अब नेपालले दोस्रो खेलमा आइतबार बंगलादेशसँग खेल्नेछ । नेपालले अन्तिम खेलमा मंगलबार युएईसँग खेल्नेछ ।

अर्को समूहमा भारत, पाकिस्तान, अफगानिस्तान र कुवेत रहेका छन् । समूहको शीर्ष दुई टोलीले सेमिफाइनलमा स्थान बनाउनेछन् ।

Related News

सम्बन्धित समाचार

    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…
    • पोखरा स्पोर्टस् अवार्ड : नवीन र पार्वती वर्ष खेलाडी

      आदर्श समाज सम्वाददाता असार १९, २०७८
      पोखरा । पाँचौ पोखरा स्पोर्टस् अवार्ड २०७६/७७ मा नवीन रसाइली (कराते) र पार्वती गुरुङ (तेक्वान्दो) वर्ष खेलाडी घोषित भएका छन्…

    hero news full width

    Gandaki University

    sanil ads

    wordlink ads