विश्वकप छनोटमा नेपालको खराब प्रदर्शन

आदर्श समाज सम्वाददाता
भाद्र २१, २०७६
World Cup, Kuwait-Nepal

पोखरा । विश्वकप कप छनोट अन्तरगत दोस्रो चरणको पहिलो खेलमै नेपालले खराब प्रदर्शन गरेको छ ।

२०२२ मा कतारमा हुने विश्वकप कप छनोट अन्तरगत दोस्रो चरणको पहिलो खेलमा कुवेतसँग नेपालले ७–० गोल अन्तरको लज्जास्पद हारलाई आत्मसाथ गरेको हो । विहीबार राती कुवेतले आफ्नै खेल मैदानमा नेपाललाई ७–० गोलले पराजित ग¥यो ।

कुवेतले पूरै खेललाई आफ्नो कब्जामा राख्न सफल रह्यो । निर्धारित समय अवधिभर कुवेतले नेपाली टोलीलाई पूरा दवावमा राख्न सफल रह्यो । पहिलो हाफमा २–० गोलको अग्रता बनाएको कुवेतले दोस्रो हाफमा ५ गोल थप्न सफल रह्यो ।

खेलको ६ मिनेटमै कुवेतका युसुफ अल सलमानले पहिलो गोल गर्दै टोलीलाई अग्रता दिलाए । १३ औं मिनेटमा फाहाद अल हाजेरीले अर्को गोल थप्दै टोलीलाई दोब्बर अग्रता दिलाए ।

खेलको ५० औं मिनेटमा सलमानले अर्को गोल थपे । त्यसको ९ मिनेटपछि अब्दुल्लाह मावीले कुवेतको तर्फबाट चौथो गोल थपे । ६७ औं मिनेटमा बदर अल मतवाले अर्काे गोल थपे ।

खेलको इन्ज्यूरी समयमा रेदा हानी र हुसेन अल मोसावीले थप १÷१ गोल गरे । नेपाल ७–० गोलको फराकिलो अंकमा पराजित हुन पुग्यो । यसअघि, यो खेल नेपालमै हुने भनिएपनि दशरथ रंगशाला पुनर्निर्माण नसकिएकाले गर्दा कुवेतमै खेल्नुपर्ने बाध्यता सिर्जना भएको थियो । फिफा वरीयतामा कुवेत नेपालभन्दा १० स्थान माथि रहेको मुलुक हो ।

प्रशिक्षक कालिनको प्रतिक्रिया

कतारमा सन् २०२२ मा आयोजना हुने फिफा विश्वकप अन्तर्गत एसिया छनोटको दोस्रो चरणको पहिलो खेलमा लज्जास्पद हार व्यहोरेपछि नेपाली राष्ट्रिय फुटबल टोलीका मुख्य प्रशिक्षक योहान कालिनले खेलमा भएको गल्तीको विश्लेषण गर्ने बताएका छन् ।

छनोट अन्तर्गत विहिबार राति भएको पहिलो खेलमा नेपाल कुवेतसँग ७–० गोल अन्तरको फराकिलो हारपछि बोल्दै प्रशिक्षक कालिनले नेपालले खराब प्रदर्शन गरेको श्वीकार्दै कालिनले यस प्रदर्शनमा भएको गल्ती आफूले विश्लेषण गर्ने प्रशिक्षक कालिनको भनाई थियो ।

नतिजामा भन्दा प्रदर्शनमा ध्यान दिन प्रशिक्षक कालिनको खेलाडीलाई निर्देशन थियो । पोस्ट म्यान कन्फरेन्समा कालिनले भने, ‘हामीले आज राम्रो खेल्न सकेनौं । म विश्लेषण गर्न चाहन्छु । हाम्रो गल्ती कहाँ रह्योे ?’

प्रशिक्षक कालिनले टिमको डिफेन्स मजबुत् रहेपनि तयारी अनुरुप खेलाडीले नखेल्दा धेरै गोल खाएको प्रसिक्रिया दिए ।

‘हामीसंग राम्रो डिफेन्स छ, ७ गोल मूर्खतापूर्ण गोल थियो, प्रशिक्षक कालिनको प्रतिक्रिया थियो, ‘२ गोल खाएपछि डिफेन्डरले दबाबमा खेले । डिफेन्डरले मात्र हैन पूरै टिम डिफेन्समा थियो । हामीले हाम्रो तयारी अनुसार खेल्न सकेनौं । हामी खुसी छैनौँ ।’

कुवेत राम्रो टिम रहेको र नेपालले कुवेतलाई नियन्त्रण गर्न नसक्दा आश्चर्यजनक नतिजा आएको कालिनको भनाई छ । कालिनले अर्को खेलमा राम्रो गर्ने लक्ष्य लिएको समेत बताए ।

नेपाली टोली शनिबार फर्कदैं

फिफा विश्वकपका लागि एसिया छनोटको दोस्रो चरण अन्तर्गत कुवेतसँगको खेल खेलेर नेपाली राष्ट्रिय फुटबल टोली भोलि (शनिबार) स्वदेश फर्कने भएका छन् ।

कुवेतसँग उसैको मैदानमा पहिलो खेल खेलेको नेपाली टोली शनिबार बिहान नेपाल आइपुग्ने अखिल नेपाल फुटबल संघ (एन्फा) ले जनाएको छ । नेपाली टोली बिहान ८ बजेपछि नेपाल आइपुग्ने एन्फाले जनाएको छ ।

छनोटको समूह ‘बी’ रहेको नेपाली टोली एक दिन नेपालमा आराम गरेर पुनः छनोटको दोस्रो खेल खेल्न चाइनिज ताइपे जानेछ । नेपालले भदौ २४ गते ताईपेसँग ताइपैकै मैदानमा खेल्नेछ ।

Related News

सम्बन्धित समाचार

    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…
    • पोखरा स्पोर्टस् अवार्ड : नवीन र पार्वती वर्ष खेलाडी

      आदर्श समाज सम्वाददाता असार १९, २०७८
      पोखरा । पाँचौ पोखरा स्पोर्टस् अवार्ड २०७६/७७ मा नवीन रसाइली (कराते) र पार्वती गुरुङ (तेक्वान्दो) वर्ष खेलाडी घोषित भएका छन्…

    hero news full width

    Gandaki University

    sanil ads

    wordlink ads