प्रधानमन्त्री ओली स्वदेश फिर्ता

rss रासस
भाद्र २०, २०७६

काठमाडौँ, २० भदौ । प्रधानमन्त्री केपी शर्मा ओली सिङ्गापुरस्थित नेशनल युनिभर्सिटी हस्पिटलमा स्वास्थ्योपचार गरी शुक्रवार अपराह्न स्वदेश फर्केका छन् । मिर्गौलासम्बन्धी एण्टिबडीलाई शरीरबाट निष्काशन गरी निराकरण गर्ने उपचार विधि (प्लाज्मा फेरेसिस) बाट उपचार गर्न उनी यही भदौ ५ गते दोस्रो पटक सिङ्गापुर गएका थिए ।

प्रधानमन्त्री ओलीलाई त्रिभुवन अन्तरराष्ट्रिय विमानस्थलको अतिविशिष्ट कक्षमा सभामुख कृष्णबहादुर महरा, उपप्रधानमन्त्री ईश्वर पोखरेल, गृहमन्त्री रामबहादुर थापा, परराष्ट्रमन्त्री प्रदीपकुमार ज्ञवाली, नेपाल कम्युनिष्ट पार्टी (नेकपा)का संसदीय दलका उपनेता सुवास नेम्वाङलगायत विशिष्ट व्यक्तिले स्वागत गरेका थिए ।

प्रधानमन्त्रीको स्वास्थ्य स्थिति बुझ्न केही दिनअघि सिङ्गापुर पुगेका नेकपाका महासचिव विष्णुप्रसाद पौडेल र नेता वामदेव गौतम पनि शुक्रवार नै स्वदेश फर्किएका छन् । प्रधानमन्त्रीसँगै उनकी धर्मपत्नी राधिका शाक्य, प्रमुख राजनीतिक सल्लाहकार विष्णुप्रसाद रिमाल, निजी चिकित्सक डा दिव्यासिंह शाह, स्वकीय सचिव राजेश बज्राचार्यलगायत गएका थिए ।

तपाइको विचार व्यक्त गर्नुहोस्

हाम्रो सुझाव

शिक्षा नीति ठिक नहुँदा मुलक पछाडि–प्रदेश मन्त्री

सांसद विद्याको ३६ योजना

संरक्षण क्षेत्रजति प्रदेशले माग्यो

प्रमुख समाचार

मनाङे ६ हजार धरौटीमा रिहा

थप प्रमुख समाचार