चितवन, १८ भदौ । चितवनमा फैलिएको डेंगु र स्क्रवटाइफसका कारण ४ जनाको मृत्यु भएको छ ।
जिल्ला जनस्वास्थ्य कार्यालय चितवका अनुसार डेंगु र स्क्रबटाइफसबाट भरतपुरस्थित चितवन मेडिकल कलेजमा ३ र पुरानो मेडिकल कलेजमा १ सहित ४ जनाको उपचारका क्रममा मृत्यु छ । चिकित्सकहरुले यसलाई डेंगुु र स्क्रवटाइफसको आतङ्कको संज्ञा दिएका छन् ।
जिल्ला स्वास्थ्य कार्यालय चितवनका किट नियन्त्रक राम केसीका अनुसार पछिल्लो पटक गैँडाकोट नगरपालिका २८ वर्षीया युवतीको स्क्रबटाइफसबाट पुरानो मेडिकल कलेजमा र अन्य तीन जनाको डेंगुका कारणले चितवन मेडिकल कलेजमा मृत्यु भएको हो ।
भरतपुर महानगरपालिका क्षेत्रमा डेंगुको संक्रमण अति उच्च देखिएको चिकित्सकहरुले बताएका छन् । वडा २,३ र ४ नम्वर क्षेत्रमा डेंगु प्रभावितहरुको संख्या अधिक रहेको उनीहरुले बताएका छन् । जिल्लाका विभिन्न अस्पतालमा साउन यता १ हजार ९ सय ८ जना विरामीमा डेंगु परीक्षण गर्दा ६ सय २३ जनामा संक्रमण भेटिएको छ । डेंगुको संक्रमित मध्ये ४ सय ५५ जना चितवनका रहेका छन् ।
चितवन भित्रका मध्ये पनि ४ सय १४ जना भरतपुर महानगरपालिकका विरामी रहेका छन् । स्क्रबटाइफसका बिरामीको तथ्यांक भने संकलन भइरहेको छ । महानगरमा डेंगुको संक्रमणको दर अधिक भएपछि गरिएका जनचेतनामूलक कार्यक्रम त्यति प्रभावकारी बन्न सकेको छैन ।
दैनिक माइकिङ गर्ने, लामखुट्टेको लार्भा खोज र नष्ट गर अभियान सञ्चालन गर्ने जस्ता कार्य वडा तहसम्म भइरहेको महानगरको दावी छ । ज्वरोसँगै फैंलिएको डेंगु र स्क्रवटाइफसका कारण जिल्लाका अधिकांश सरकारी तथा नीजि अस्पतालहरु भरिएका छन् । भरतपुर अस्पतालको आकस्मिक कक्षमा दुई जना र भुँईमा समेत विरामी राख्नुपरेको अस्पतालले जनाएको छ ।
भरतपुर अस्पतालका प्रमुख मेडिकल सुपेरिटेण्डेन्ट डा. श्रीराम तिवारीले ६८२ जनाको निःशुल्क रुपमा डेंगु परीक्षण गरिएको जानकारी दिए । उनले अस्पतालमा कीट स्वास्थ्य मन्त्रालयसँग माग गरिरहेको भएपनि बिरामीको मागअनुुसार उपलब्ध नभएको गुनासो गरे ।
एकपटक डेंगु भैसकेको व्यक्तिलाई दोस्रो वा तेस्रोपटक डेंगुको संक्रमण देखिएमा त्यो खतरनाक हुने चिकित्सकहरुले बताएका छन् । भरतपुर अस्पतालका बरिष्ठ फिजिसियन डा. भोजराज अधिकारीले अहिले ल््िलाका अस्पतालहरुमा डेंगुका कारण मृत्यु हुनेहरु पहिला पनि डेंगुको संक्रमित भएको हुनुपर्ने बताए । ‘एकपटक डेंगु भएर निको भैसकेपछि दोस्रो तेस्रो वा चौथौ पटक डेंगु हुनु सबैभन्दा खतरनाक हुन्छ । हालसम्म विश्वका १२८ वटा देशमा डेँगुको प्रकोप फैलिसकेको छ । विश्वमा प्रत्येक वर्ष ३९ करोड व्यक्ति यसबाट प्रभावित हुने गरेका छन् ।
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१