लेखनाथ, १५ भाद्र । रुपा गाँउपालिका–७ को हाँसपोखरी युवा क्लबले नेपाली नारीको पर्व हरितालिका तीजको अवसरमा खुल्ला तीज गीत प्रतियोगिता गर्ने भएको छ ।

हाँसपोखरीमा सोमवार हुने तीज गीत प्रतियोगिताको तयारी अन्तिम चरणमा पुगेको जानकारी कार्यक्रम संयोजक सुनील सुवेदीले दिए । संस्कृतिको रक्षा गर्नु युवाको प्रमुख दायित्वको साथ यस वर्ष पनि तीज गीतका साथै वृद्ध दौड प्रतियोगिता तथा घैटो फुटाउने कार्यक्रमको आयोजना गरिएको छ ।

प्रतियोगितामा प्रथम, द्धितीय, तृतीय तथा सान्त्वना हुने लाई क्रमश रू.८ हजार १ सय, रू.४ हजार १ सय, २ हजार १ सय र १ हजार १ सय प्रदान गरिने वतायएको छ । उक्त पुरस्कारको रकम देश तथा विदेशमा रहेका आफ्नो गाँउ र संस्कृतिको माया भएका व्यक्तिहरुबाट प्राप्त भएको वताइएको छ । प्रथम पुरस्कार अमेरिका वस्दै आएका वृहस्पति लम्सालले प्रदान गर्ने छन् भने अन्य पुरस्कार अमेरिकामा नै बस्दे आएका मदन सुवेदीबाट प्राप्त हुने जानकारी संयोजक सुनील सुवेदीले बताए ।