पोखरा । आयोजक जक्सन–१६ ‘ए’ ले पहिलो संस्करणको पोखरा मिडिया कपको उपाधि जितेको छ ।
मिडिया कपको फाइनलमा आयोजक जक्सन–१६ को ‘ए’ ले जक्सन–१६ कै ‘बी’ लाई टाइब्रेकरमा हराउँदै उपाधि जितेको हो । उपाधिसँगै जक्सन–१६ ‘ए’ ले ३५ हजारसहित ट्रफी, मेडल र प्रमाणपत्र हात पा¥यो । उपविजेता जक्सन–१६ को ‘बी’ ले २० हजार सहित ट्रफी, मेडल र प्रमाणपत्रमा चित्त बुझायो ।
खेलाडीहरुलाई साझा पार्टीका गण्डकी संयोजक महेश भण्डारी, नेपाली फुटबल टिमका पूर्वकप्तान अनिल गुरुङ र म्याट्रिक्स एरेनाका संचालक अमनविक्रम थापाले पुरस्कार प्रदान गरेका थिए ।
निर्र्धारित समयमा दुवै पक्षबाट १–१ गोलको बराबरी भएपछि खेल टाइब्रेकरमा धकेलिएको थियो । जसमा जक्सन–१६ ‘ए’का गोलकीपर गौरब गुरुङले उत्कृष्ट बचाऊ गर्दै आफ्नो टोलीलाई उपाधि दिलाउन सफल भए ।
प्रतियोगितामा सुशान्त गाहामगर उत्कृष्ट खेलाडी बने । त्यस्तै, विजय नेपालीले उत्कृष्ट गोलकीपरको पुरस्कार प्राप्त गरे । प्रतियोगिता अवधिभर सबैभन्दा धेरै गोल गर्दै निकोलस गुरुङले ‘हाई स्कोरर’को उपाधि हात पारे । प्रतियोगिताभर सबैभन्दा अनुशासित खेल खेलेर ‘भोग स्टुडियो’ ले फेयर प्ले ट्रफी प्राप्त ग¥यो ।
पोखरा मिडिया कप अन्तरगत बुधबार भएको महिला पत्रकार र महिला सेलिब्रिटीबीचको मैत्रीपूर्ण खेलमा कलाकारको टोली विजयी बनेको छ । १–० गोल को कलाकारहरुले महिला पत्रकारमाथि नतिजा निकाल्यो । आयोजकले मैत्रीपूर्ण खेलमा सहभागी दुवै टोलीलाई ट्रफी प्रदान गरेको थियो ।
मैत्रीपूर्ण खेल खेल्नकै लागि अभिनेत्री सुरविना कार्की, सम्पदा बानियाँ र चर्चित युट्युबर तथा मोडल सोनिका रोकाया पोखरा आएका थिए । उनीहरुसँगै पोखराका चर्चित महिला कलाकारहरु मिलेर महिला पत्रकारहरुसँग फुटसल खेलेका थिए । महिला पत्रकार र सेलिब्रिटीबीचको खेल प्रतिस्पर्धात्मक र रोमाञ्चक देखिन्थ्यो ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१