सडक दुर्घटनामा २ को मृत्य, ३ घाइते

Avatar आदर्श समाज सम्वाददाता
भाद्र १२, २०७६

पोखरा, १२ भदौ । पोखरामा छुट्टाछुट्टै सवारी दुर्घटनामा परी २ जनाको मृत्यु भएको छ भने ३ जना घाइते भएका छन् ।

पृथ्वीराजमार्ग अन्तरगत पोखरा–३२ गगनगौँडामा बुधवार राति ८.३० वजे ना.५ ख. ५०४६ नं को ट्रकले ग.७ प ७४२८ नं को मोटरसाइकल र ग.११प. २३५८ नं को स्कूटरलाई ठक्करदिँदा स्कुटरको पछाडि सवार पोखरा–५ पस्र्याङ निवासी १८ वर्षीय सागर गुरुङको मृत्यु भएको जिल्ला प्रहरी कार्यालय कास्कीका प्रवक्ता एवं प्रहरी नायव उपरीक्षक राजकुमार केसीले जानकारी दिए ।

ठक्करपछि ट्रकको चक्कामूनि परेका गुरुङको पोखरा स्वासथ्य विज्ञान प्रतिष्ठान अन्तरगत पश्चिमाञ्चल क्षेत्रीय अस्पतालमा उपचारकै क्रममा मृत्यु भएको कास्की प्रहरीले जानकारी दिएको छ ।

दुर्घटनामा स्कुटर चालक पोखरा–२ अर्चलबोट निवासी निशान गुरुङ र मोटर चालक र सोही मोटरसाइकलमा सवार पोखरा भण्डारढीक निवासी २२ वर्षीय विकल सुनार र रुपा गाउँपालिक–७ का दीपक विक घाइते भएको छन् । उनीहरु तीनै जनाको पोखरा नयाँबजार स्थित गण्डकी मेडिकल कलेजमा उपचार भइरहेको छ । प्रहरी नायव उपरीक्षक केसीका अनुसार ट्रक र चालक प्रहरी नियन्णमा छन् ।

त्यस्तै बुधवार नै पृथ्वीराजमार्ग अन्तरगत पोखरा–२७ तालचोकमा ग.३च.१४२२ नं को मिनीभ्यानले बा.९४ प. १७०५ नं को नं को मोटर साइकललाई ठक्करदिँदा बागलुङ जिल्ला घरभई काठमाण्डौ कीर्तिपुर बस्ने २८ वर्षीय थपन पाइजाको मृत्यु भएको जिल्ला प्रहरी कार्यालय कास्कीका प्रवक्ता राजकुमार केसीले बताए । दुर्घटनामा परी गम्भीर घाइते पाइजाको पोखरा फूलबारी स्थित मणिपाल शिक्षण अस्पतालमा उपचारका क्रममा मृत्यु भएको हो । भ्यान र चालक प्रहरी नियन्त्रणमा राखिएको छ ।

तपाइको विचार व्यक्त गर्नुहोस्

हाम्रो सुझाव

करेण्ट लागेर एक मजदुरको मृत्यु

ग्यास पड्किँदा २ घाइते

दुर्घटनामा बाह्र घाइते

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार