रवि र कंडेल अनुमतिबिना विदेश जान नपाउने

आदर्श समाज सम्वाददाता
भाद्र १०, २०७६
Rabi-Lamichhane-1-768×435

पोखरा, १० भदौ । चितवन जिल्ला अदालतले पत्रकार शालिकराम पुडासैनीको आत्महत्या गर्न दुरुत्साहन गरेको अभियोग लागेका रवि लामिछानेलाई अदालतको अनुमतिबिना विदेश जान नपाउने भएका छन् ।

अदालतले सोमवार रवि लामिछानेसँग ५ लाख र अर्का अभियुक्त युवराज कँडेलसँग पनि यही शर्तसहित ३ लाख धरौटीमा छाडेको छ ।
सोमबार जिल्ला न्यायाधीश हेमन्त रावलको इजलासले पुडासैनीको आत्महत्या दुरूत्साहन मुद्दा लागेका लामिछानेलाई ५ लाख धरौटी, युवराज कँडेललाई ३ लाख र अस्मिता कार्की ‘रूकु’लाई सामान्य तारेखमा छोडेको हो।

संकलित प्रमाणको विश्वसनियतामा अन्यथा असर पु¥याउने उद्देश्यले अदालतभन्दा बाहिर कुनैपनि कार्यक्रमा सञ्चालन गर्न, टेलिभिजन कार्यक्रम सञ्चालन गर्न फेसबुक लाइभ, ट्वीटर, युटुब वा कुनैपनि सञ्चार माध्यामबाट विचार वा प्रतिक्रिया स्वदेश वा विदेबाट व्यक्त गर्न गराउन नपाउने गरी, अदालतको आदेशमा भनिएको छ, । औषधि उपचारको लागि विदेश जानुपरेको अवस्थामा यस चितवन जिल्ला अदालतको पूर्व अनुमति लिएर मात्र प्रतिवादीहरू लामिछाने र कंडेललाई शर्तसहित जानु पर्ने छ ।

लामिछाने र कँडेलले प्रस्तुत मुद्दाको टुंगो नलागेसम्म पुडासैनीको आत्महत्याको विषयलाई लिएर अनुसन्धानमा संलग्न प्रहरी,अभियोजनकर्ता सरकारी वकिल, पीडित परिवार, मुद्दाका सम्बद्ध साक्षी, मौकामा बुझिएका अन्य व्यक्तिहरू प्रमाणको वैज्ञानिक परीक्षणमा संलग्न विशेषज्ञ, चिकित्सक, अदालत, र समग्र न्यायिक प्रकृयाको बारेमा सार्वजनिकरूपमा विचार व्यक्त गर्न समेत नपाउने गरी अदालतले आदेश गरेको छ।

तत्काल प्राप्त प्रमाणका आधारमा लामिछाने र कँडेललाई धरौटीमा छाड्ने र रूकुलाई सामान्य तारेखमा छाड्ने निर्णय अदालतले गरेको हो। लामिछानेसहित तीन जनालाई पाँच वर्ष जेल र ५० हजार जरिवाना माग गर्दै सरकारी वकिल कार्यालयले मुद्दा दायर गरेको थियो।

Related News

सम्बन्धित समाचार

    • सातामै करिब २९ सय संक्रमित

      आदर्श समाज सम्वाददाता श्रावण ११, २०७८
      पोखरा  । गण्डकी प्रदेशमा पछिल्लो साता थप २ हजार ८ सय ८९ जना संक्रमित भएका छन् । लकडाउन खुकुलो भएसँगै संक्रमित…
    • पोखराको पहिलो आकाशे पुल सञ्चालनमा

      रासस श्रावण ११, २०७८
      पोखरा । पर्यटकीय नगरी पोखराको मुख्य ठाउँ सिर्जनाचोकमा यात्रु आवतजावत गर्ने आकाशे पुल सञ्चालनमा आएको छ । बढ्दो जनसङ्ख्या र…
    • जसपामायादव पक्षको बहुमत

      रासस श्रावण ११, २०७८
      काठमाडौं । निर्वाचन आयोगले जनता समाजवादी पार्टी (जसपा) का कार्यकारिणी सदस्यको सनाखत लिएको छ । जसपाका अध्यक्ष उपेन्द्र यादव र…
    • चन्द्रबहादुरको आम्दानी ३० हजार, भाडा डेढ सय

      सविन लामिछाने श्रावण ११, २०७८
      दमौली । पृथ्वीराजमार्गको छेउमै टिनले छाएको र टिनले नै बारेको टंकी । त्यही टंकीको सहारामा पालिन्छन् चन्द्रबहादुर नेपालीको परिवारका ९…
    • कोरोना कहरमा झन् बढे भ्रष्टाचारका उजुरी

      धनबहादुर गुरुङ श्रावण ११, २०७८
      पोखरा । कोरोना महामारीकै बीचमा गत वर्षको पुस २२ गते तनहुँमा १ जना इन्जिनियर डेढ लाख घुससहित पक्राउ परे ।…

    hero news full width

    Gandaki University

    sanil ads

    wordlink ads