तीन होमस्टेलाई डस्टविन वितरण

Avatar आदर्श समाज सम्वाददाता
भाद्र ८, २०७६

लमजुङ । लमजुङ उद्योग वाणिज्य संघले जिल्लाको पर्यटन प्रवद्र्धनसँगै तीन होमस्टे व्यवस्थापन समितिका लागि डस्टविन वितरण गरेको छ । उद्योग वाणिज्य संघले घरवास अर्थात् होमस्टे सञ्चालन भएका जिल्लाका पर्यटकीय गाउँहरु सिउँरुङ, पुरानकोट र चिसापानीमा फोहोर संकलनका लागि बाल्टिन वितरण गरेको हो ।

संघले मस्र्याङदी गाउँपालिका– ३ स्थित सिउँरुङ होमस्टेलाई १९ वटा, वेँसीशहर नगरपालिका– ४ स्थित पुरानकोट होमस्टेलाई १२ र सोही नगरपालिका– २ को चिसापानी होमस्टेलाई ८ गरी कुल ३९ वटा डस्टविन वितरण गरेको लमजुङ उद्योग वाणिज्य संघका अध्यक्ष राजेश थापाले बताए ।

उनका अनुसार संघले पर्यटन प्रवद्र्धनसँगै होमस्टे व्यवस्थापन तथा सरसफाइका लागि डस्टविन वितरणको कार्य गरेको हो । उनका अनुसार कुहिने र नकुहिने फोहोरलाई छुट्टाछुट्टा रुपमा संकलन तथा व्यवस्थापनका लागि स्थानीयलाई सहज हुने अपेक्षाका साथ सानो सहयोग प्रदान गरिएको छ । ती डस्टविन खरिदका लागि कूल २३ हजार रुपैयाँ खर्च भएको लउवासंघका द्वितीय उपाध्यक्ष गुणराज सिलवालले बताए ।

संघको सभाहलमा आयोजित एक कार्यक्रममा जिल्ला न्यायाधीश हरिषचन्द्र ढुङ्गाना र संघका अध्यक्ष थापाले सयुंक्त रुपमा तीन वटै होमस्टे व्यवस्थापन समितिका अध्यक्षलाई डस्टविन वितरण गरेका हुन् । प्राप्त डस्टविनले होमस्टेको सरसफाइमा सहयोग पुग्ने सिउरुङ होमस्टे व्यवस्थापन समितिका अध्यक्ष उमर गुरुङले बताए ।

तपाइको विचार व्यक्त गर्नुहोस्

हाम्रो सुझाव

श्रीलंकामा नेपाल प्रबद्र्धन गरिने

नाचगानसहित झिँमा होमस्टे शुरु

सामुदायिक होमस्टे संचालन

पर्यटकको मन जित्दै अन्नपूर्णका होमस्टे

प्रमुख समाचार

ज्ञानेन्द्रबहादुर शाहीलाई कास्की प्रवेशमा युवा संघको रोक