पाल्पा, ४ भदौ । अरिङ्गालको टोकाईबाट पाल्पामा एक युवकको मृत्यु भएको छ । जिल्लाको तानसेन नगरपालिका–१२ बौघापोखराका २२ वर्षीय हेम रानाको मंगलबार साँझ मृत्यु भएको जिल्ला प्रहरी कार्यालय पाल्पाका सूचना अधिकृत देवराज पौडेलले जनाए ।
पारिवारिक स्रोतका अनुसार खानको लागि घर नजिकको रूखमा रहेको अरिङ्गालको गोलो पोल्न गएका राना अरिङ्गालको टोकाइबाट घाइते भएपछि जिल्लाको यूनाइटेड मिसन अस्पतालमा उपचारका लागि ल्याइएको थियो । रानाको मंगलबार दिउसो १ बजे अस्पतालमै उपचारको क्रममा मृत्यु भएको हो । स्थानीय कृष्ण आलेका अनुसार मृतक राना ज्यालादारी काम गर्दै आएका थिए ।
उनकै आश्रयमा परिवारमा वृद्ध, बुवाआमा र १६ वर्षको भाइरहेकोले परिवारमा थप समस्यामा परेका छन् । ‘परिवारले दाह संस्कारको खर्च समेत धान्न अवस्था छैन । वृद्ध आमा बुवा र भाइ उनकै कमाइमा आश्रित भएकोले परिवारमा थप पीडा थपिएको छ’ आलेले बताए । उनले रानाको मृत्युपछि परिवार विचल्लीमा पर्नुको साथै आर्थिक अभाव खड्किएको जनाए ।
यसैबीच मंगलबार जिल्लाको रैनादेवी छहरामा अरिङ्गालकै टोकाईबाट दुईजना युवा घाइते भएका छन् । राती ७ः३० बजे अरिङ्लाको गोलो पोल्न पुगेका स्थानीय रैनादेवी छहरा–५ का वर्ष २३ का धनबहादुर नेपाली र बगनासकाली–५ पाल्पाका मुक्ती गैरे अरिङ्गालको टोकाइबाट घाइते भएका हुन् ।
अरिङ्गालको टोकाइबाट घाइते मध्येका गैरे सञ्चारकर्मी हुन् । उनी मिडियाको काम सकेर आफन्तको घरमा बस्न पुगेका बेला स्थानीय साथीसँगै अरिङ्गालको गोलो पोल्न जाँदा घाइते भएको जनाए । गैरेका अनुसार नेपालीलाई लुम्बिनी मेडिकल कलेजमा भर्ना गरिएको छ । घाइते गैरेले छहरा मेडिकलमा उपचारपछि आराम गरिरहेको बताए । जिल्ला प्रहरी कार्यालय पाल्पाले मृतकको बारेमा परिवारबाट प्रहरीसमक्ष कुनै जाहेरी नपरेको जनाएको छ । प्रहरी स्रोतका अनुसार आ.व.२०७५/०७६ मा कुनै घट्ना दर्ता भएका छैनन् ।
Related News
सम्बन्धित समाचार
सेतीको खोंचबाट सशस्त्र प्रहरीको गोताखोरले निकाल्यो युवकको शव
अछाममा आगलागी हुँदा २ नाबालकको मृत्यु
चट्याङ लागेर पर्वतमा दुई जनाको मृत्यु
फेवामा बाेटिङ गर्दागर्दै हावाहुरीले दुर्घटना, सशस्त्र प्रहरीद्वारा सकुशल उद्धार
बागलुङमा ३ वर्षमा सवारी दुर्घटनामा ४० को मृत्यु
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१