बिश्व फोटोग्राफी दिवस प्रभातफेरी

Avatar आदर्श समाज सम्वाददाता
भाद्र २, २०७६

पोखरा, २ भदौ । १८० औ बिश्व फोटोग्राफी दिवसको अवसरमा पोखरामा प्रभातफेरी सहित साईकल यात्रीलाई सम्मान गरी मनाइएको छ ।

फोटोग्राफर संघ गण्डकी प्रदेशद्वारा आयोजित उक्त कार्यक्रममा देश ब्यापी साईकल भ्रमणमा निस्किएका खोटाङका यूवा कर्ण श्रेष्ठलाई सम्मान गरिएको छ । श्रेष्ठलाई खादा तथा सम्मानपत्रले सम्मानित गरिएको थियो ।

पोखराको मानवअधिकार चोकबाट शुरु भएको प्रभातफेरी चिप्लेढुंगा महेन्द्रपुल हुदै पुन मानवअधिकार चोकमा पुगेर कोणसभामा सभामा परिणत भएको थियो । देशमा भ्रष्टाचार मौलाउदै गएपछि चिन्तित बनेका श्रेष्ठले देशलाई भ्रष्टाचार मुक्त बनाउनुका साथसाथै देशका बिभिन्न पर्यटकीय क्षेत्रको प्रबद्र्धन गर्ने उदेश्यले साईकलबाट नेपाल भ्रमणमा निस्केको बताए ।

बिश्वफोटोग्राफी दिवसका अवसरमा पर्यटन प्रबद्र्धन गर्दै भ्रष्टाचार मुक्त देश बनाउनका लागि देश दौडाहामा निस्केका ब्यक्तिलाई सम्मान गर्ने अवसर मिल्नु पनि गण्डकी प्रदेशका फोटोग्राफर ,पत्रकार तथा फोटोपत्रकारहरुका लागि गौरवको कुरा रहेको फोटोग्राफर संघ गण्डकीका अध्यक्ष दुर्गा प्रसाद पौडेलले बताए ।

कार्यक्रममा बिश्व फोटोग्राफी दिवसका बारेमा फोटो पत्रकार महासंघ गण्डकीका अध्यक्ष राम गुरुड., पोखरा उधोग बाणिज्य संघका कार्यसमिति सदस्य रामेश्वर अधिकारी लगायतले आआफ्नो धारणा राख्दै फोटोग्राफीको महत्वका बारेमा प्रकाश पारेका थिए । कार्यक्रम फोटोग्राफर संघ गण्डकीका महासचिव तुलसी राम सुवेदीले संचालन गरेका थिए

तपाइको विचार व्यक्त गर्नुहोस्

हाम्रो सुझाव

उपनिर्वाचनमा सम्पूर्ण शक्ति प्रयोग गर्छौं : मिश्र

पूर्वाधारको काम रोकिनु हुँदैन : मन्त्री विश्वकर्मा

श्रीलंकामा नेपाल प्रबद्र्धन गरिने

पुस्तक बेचेर विद्यालयलाई सहयोग

एनओसी अध्यक्षमा जीवनराम

प्रमुख समाचार

ज्ञानेन्द्रबहादुर शाहीलाई कास्की प्रवेशमा युवा संघको रोक