६ अधिकृत सहित १८ कर्मचारी छड्केमा

Avatar आदर्श समाज सम्वाददाता
भाद्र २, २०७६

लमजुङ, २ भदौ । लमजुङमा गरिएको कार्यालयको हाजिरी छड्केमा छ जना अधिकृत सहित १८ जना कर्मचारी अनुपस्थित फेला परेका छन् । जिल्ला प्रशासन कार्यालयले गरेको छड्केमा उनीहरू गैह्र हाजिर फेला परेका हुन् ।

जिल्ला प्रशासन कार्यालयबाट जिल्ला सदरमुकाममा रहेका जम्मा १२ वटा कार्यालयमा छड्के गरिएको सो कार्यालयका सूचना अधिकारी एवम् सहायक प्रमुख जिल्ला अधिकारी अनिल शाहीले बताए । उनका अनुसार जिल्ला प्रशासन कार्यालयबाट एकै पटक १२ वटा सरकारी कार्यालयमा छड्के गरिएको थियो ।

सो क्रममा ६ जना अधिकृतस्तरका र १२ जना अन्य पदका कर्मचारी छड्केमा परेका हुन् । त्यस समयमा सात जना बिना पोशाकमा आएको भेटिएको पनि सहायक प्रमुख जिल्ला अधिकारी शाहीले जानकारी दिए । उनका अनुसार उनीहरू सबैलाई स्पस्टीकरण सोध्ने र विभागीय कारबाहीका लागि जिल्ला प्रशासन कार्यालयबाट सिफारिस पत्र पठाइने भएको छ । लमजुङमा जिल्ला प्रशासन कार्यालयबाट धेरै वर्षपछि कार्यालयमा हाजिरी छड्के गरिएको हो ।

तपाइको विचार व्यक्त गर्नुहोस्

हाम्रो सुझाव

पुस्तक बेचेर विद्यालयलाई सहयोग

एनओसी अध्यक्षमा जीवनराम

यातायात क्षेत्रका समस्या समाधानमा जोड

नाचगानसहित झिँमा होमस्टे शुरु

४६९ को दाँत उपचार

प्रमुख समाचार

रुपन्देहीमा गोली चल्यो, १ को मृत्यु