कलाकारिता क्षेत्रमा रहेका गुरुङहरुलाई एकतावद्ध गर्न स्थापित संस्था तमु(गुरुङ)कलाकार संघ नेपाल गण्डकी प्रदेश समितिले आइतवार पोखरामा स्वागत सम्मान कार्यक्रम सम्पन्न गरेको छ।

स्वदेश आगमन भएका विशिष्ट तमुहरु, पोखरेली विभिन्न संघ संस्थामा हालै निर्वाचित तमुहरुलाई स्वागत र सम्मान गरेको हो।

युकेबाट केही समयका लागि पोखरा आउनु भएका लण्डन बोरो अफ बानेर्ट काउन्सिलका उपमेयर, वरिष्ठ समाजसेवी लक्ष्यबहादुर गुरुङ, उनकी धर्म पत्नी शोभा गुरुङ, हङकङबाट घर बिदामा आएका मिलन फाउण्डेशन नेपालका संस्थापक, पर्वत हङकङ मञ्चका अध्यक्ष, तमु(गुरुङ)कलाकार संघ तमु(गुरुङ)कलाकार संघ आजिवन सदस्य, वरिष्ठ समाजसेवी दुर्गा घोथाने गुरुङ मिलन, हिमाली साँस्कृतिक परिवारमा हालै पुनः अध्यक्षमा निर्वाचित वरिष्ठ सँस्कृतिकर्मी मेनकाजी गुरुङसहित कार्यसमितिका तमुहरु, तमु साँस्कृतिक प्रतिष्ठान नेपालका नवनिर्वाचित अध्यक्ष चित्रबहादुर गुरुङसहित लगायतले सम्मान गरेका थिए।