आइतबार पाल्पाको तानसेनमा दुई जात्रा निकालियो। श्रीनगर सिद्धि विनायक गणेशको रथयात्रा र बाघ जात्रा गरी तानसेनमा एकै दिन दुई जात्रा निकालिएको हो।
तानसेन भजन संरक्षण समिति पाल्पाले संस्कृतिको संरक्षण र सम्बद्र्धनमा योगदान पुर्याउने भन्दै आइतबारदेखि गणेश यात्रामा भजनसहित सहभागिता जनायो। तानसेन नगरपालिका प्रमुख अशोककुमार शाही र उद्योग वाणिज्य संघका अध्यक्ष मोहनप्रसाद श्रेष्ठले भजन संरक्षण समितिको कार्यक्रमलाई संयुक्त रूपमा उद्घाटन गरेका हुन्।
आयोजकका अनुसार प्रत्येक वर्ष भाद्र कृष्ण तृतीयाको दिन भव्यताका साथ गणेशको रथयात्रा गर्ने प्रचलन वि.सं. १९८१ बाट प्रारम्भ गरिएको थियो। गणेश जात्रामा पहिला भगवानलाई पूजा गरी बोकाको बलि दिइने र प्रसादको रूपमा जाग्राममा बस्नेहरूलाई सम्हयबजी बाँडिने भएपनि आजकाल भगवान श्रीगणेशलाई बलि नचढाइने जानकारहरू बताउँछन्।
श्रीनगरस्थित श्रीगणेशको रथयात्रा निकालेपछि मात्र तानसेनमा अन्य देवीदेवताहरूको रथहरू निकालिने तानसेन भजन संरक्षण समितका अध्यक्ष ब्रह्मशेखर बज्राचार्य बताउँछन्। तानसेन बजारभित्र ६ ठाउँहरूमा गणेश मन्दिरहरू रहेका छन्। आइतबार भएको श्रीनगर सिद्धी विनायक गणेश रथयात्रालाई बजारको विभिन्न भागमा परिक्रममा गराइएको थियो।
यसैबीच आइतबार नै तानसेनमा बाघ जात्रा निकालियो। जात्रामा बाघको भेषमा सिंगारिएर युवाहरूले बाजा बजाएर बाघलाई घेल्दै र सिकार गरेको अभिनय सहित बजार परिक्रमा गरेका थिए। पाल्पामा प्रत्येक वर्ष रोपाइँजात्राको भोलिपल्ट बाघ जात्रा गर्ने चलन छ। जानकारहरूका अनुसार तानसेनमा मनाइने बाघजात्रा अन्य जिल्लाहरूमा मनाइने तरिका फरक रहेको छ। तिथि अनुसार कुनै कुनै वर्ष मात्र बाघजात्रा र श्रीनगरस्थित गणेको जात्रा एकै दिन पर्ने गर्दछ।
Related News
सम्बन्धित समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
गैंडाकोट नगरपालिकाले थाल्यो अनलाइनबाटै नागरिकता सिफारिस
प्रधानमन्त्रीसँग गोरखा नगरपालिकाले माग्यो साढे ३ अर्ब बजेट
अन्नपूर्णमा अख्तियारको अन्तरक्रिया
hero news full width
मुख्य समाचार
किरिया बसेका दाजुभाइ परीक्षामा
सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०