युट्युबरलाई पत्रकार मान्दिनँ— स्वस्तिमा खड्का

Avatar एजेन्सी
श्रावण २९, २०७६

काठमाण्डौ, २९ साउन । अभिनेत्री स्वस्तिमा खड्का फिल्म हजार जुनीसम्मको ट्रेलर रिलिज कार्यक्रममा आफूले दिएको अभिव्यक्तिका कारण विवादमा परिन् ।

उनले पारिश्रमिकलाई लिएर दिएको अभिव्यक्तिमाथि नायिका पूजा शर्मासँग जोडिएर समाचार बने । यस विषयमा असन्तुष्टि जनाएर उनले फेसबुकमा लामो स्टाटस नै लेखिन् । यसै पेरिफेरिमा रहेर नवीन प्यासीसँग उनले अनुभव साटेकी छिन् । हजार जुनीसम्मको फिल्मको ट्रेलर रिलिज प्रोग्राममा तपाईंले दिएको अभिव्यक्तिलाई नायिका पूजा शर्मासँग तुलना गरेर आए नि ?

मैले भनेको कुराप्रति म विश्वस्त छु । मलाई नायिका पूजा शर्माले यति पारिश्रमिक लिएको भन्ने थाहा थिएन । म घर आएपछि युट्युबमा पूजा शर्मासँग जोडिएको समाचार देखेँ । पूजाले २० लाख लिएको पनि मलाई थाहा थिएन । तर, मेरो अभिव्यक्ति लगानीसँग जोडिएको थियो । मैले व्यक्त गरेको विचारप्रति मलाई पछुतो छैन । मलाई चित्त नबुझेको कुराचाहिँ युट्युबरहरू एउटा क्यामेरा र माइक बोकेर कसले के भन्छ र कन्ट्रोभर्सियल कुरा गर्छ भनेर पर्खेर बसेका हुन्छन् । म उनीहरूलाई पत्रकार भन्दिनँ ।फिल्मको ट्रेलर रिलिज प्रोग्राममा जसले मेरोबारे त्यस्तो समाचार बनाए, उनीहरु नै साइडमा बसेर हल्ला गरेका थिए ।

पत्रकारिताप्रति तपाईंको धारणा के हो त ?

पत्रकारलाई विश्वास गर्छु, तर युट्युबरलाई गर्दिनँ । दुई वर्षदेखि उहाँहरूप्रति विश्वास छैन । युट्युबरहरू पत्रकार होइनन् । उनीहरूले पत्रकारिताको संस्कृति बिगारिरहेका छन् । न्युजपेपर र युट्युबरमा न्युजपेपर एकदम अथेन्टिक लाग्छ, मलाई ।

तपाईंले पूजा शर्माबारे बोल्नुभएको थिएन भन्नुभयो । तर, पूजासँगै जोडिनुभयो नि त ?

म पूजा शर्माप्रति लक्षित थिइनँ । उहाँले राम्रो काम गरिरहनुभएको छ, यसमा शंका छैन । इमानदार दर्शकले मलाई माया नै गर्नुभएको छ । फेक दर्शकले छाडा बोल्नुहुन्छ ।

फिल्ममा आफ्नो परिचय स्थापित गर्न सफल हुनुभएको छ । तर, जति कुरा आएका छन्, तपाईंको समकालीन अभिनेत्रीसँग निकै प्रतिस्पर्धाको भावना देखियो नि ?

नायिका पूजा शर्मासँग मेरो त्यस्तो मतलब नै थिएन । हामी खासै बोल्दैनौँ पनि । मैले ३० लाख भनेको भए पुष्प आउँथ्यो होला, ५० लाख भनेको भए अनमोल आउँथ्यो होला । २० लाख भनेकाले पूजा आइन् । तर, मैले लगानी सुरक्षाको कुरा गरेकी थिएँ । २० लाख लिँदा फिल्मले कमसेकम ५० लाख कमाउनुपर्छ । मेरो घरमा पनि निर्माताहरू हुनुहुन्छ । कति कमाउँदा निर्मातालाई फाइदा हुन्छ भन्ने मलाई थाहा छ । १५–२० लाख माग्छु भने कमसेकम ५० लाख मेरो साइडबाट कमाउनुपर्छ । मैले लगानीको मात्र कुरा गरेकी थिएँ । नायिका पूजा शर्मालाई जोड्ने नियत थिएन ।प्रायः युट्युबर एउटा क्यामेरा र माइक बोकेर कसले के गर्छ र कस्तो विवादास्पद कुरा गर्छ भनेर पर्खिएर बसेका हुन्छन् । यसप्रति मलाई कत्ति चित्त बुझेको छैन । म उहाँहरूलाई पत्रकार भन्दिनँ ।

अनि तपाईं फिल्म खेल्दा पारिश्रमिकको भूमिका कस्तो हुन्छ ?

अवश्य हुन्छ । हामी दश वर्षपछाडि गइरहेका छौँ । हिरो–हिरोइनलाई पारिश्रमिकको तुलनामा सफल र असफल बनाउने । पारिश्रमिकको कुरा गर्दा मेरा लागि ठूलो कुरा होइन । मलाई राम्रो फिल्ममा लिन चाहने निर्माता हच्किन्छन् ।

तपाईं जुन तरिकाले विवादित हुनुभयो, यस्ता कुराले करिअरमा कति असर गर्छ जस्तो लाग्छ ?

पूरै असर गर्छ जस्तो त लाग्दैन । दर्शकले हेर्न जाने भनेको राम्रो फिल्म नै हो । मेरो श्रीमान् निश्चल बस्नेतकै कुरा गर्ने हो भने पनि राम्रो फिल्म भएकाले नै दर्शक गएका हुन् । बरु यस्ता कुरा बाहिर ल्याएर उहाँहरूकै मोरल डाउन हुन्छ । दर्शकले राम्रो काम हेर्न जाने हो, हल्लाको पछाडि लाग्ने होइन ।

अन्त्यमा भन्नुपर्ने कुरा केही छ ?

यो कुरा मात्र होइन, धेरै कुरा छ । मेरो बारेमा जसरी लेख्नुभयो, त्यो एउटा ठाउँमा छ । इथिकल हुनुस् भन्छु म । उहाँहरू काममा इमानदार हुनुहुन्न । मैले आफ्नो काम इमानदार भएर गर्ने हो ।

तपाइको विचार व्यक्त गर्नुहोस्

हाम्रो सुझाव

‘एउटा कुरा छ’ सार्वजनिक

आर्वामा ‘हाम्रो समाज’ नाटक प्रर्दशन

ढिकुरपोखरीमा दसैं मेला शुरु

एलिसा भइन् ट्यालेण्ट क्वेष्ट

नमस्ते गण्डकी अनलाइन टीभीको ‘रमिता’ संचालनमा

प्रमुख समाचार

दश वर्षमा मध्यम स्तरको विकसित राष्ट्र –मुख्यमन्त्री गुरुङ

थप प्रमुख समाचार