काठमाडौं, २९ साउन । फिल्म ‘किस्मत’ ले अभिनेता आर्यन सिग्देलको किस्मत चम्काएको थियो । यो उनको डेब्यू फिल्म थियो । यसपछि उनको करिअरको ग्राफ करीब एक दशक आरोलो झरेन । सुदर्शन थापा निर्देशित फिल्म ‘मेरो एउटा साथी छ’ ले उनलाई स्टारडम थप उत्कर्षमा र्पुयाएको थियो । दिनेश राउत निर्देशित फिल्म ‘क्लासिक’ रिलिजसम्म उनको चार्म र स्टारडममा कुनै कमी आएन ।
तर, समय सधैं एकनाश कहाँ रहन्छ र १ आर्यनको करिअर पनि विस्तारै धरमराउन थाल्यो । एकपछि अर्को फिल्म बक्सअफिसमा पिटिन थाले । कुनै समय भित्तामा टाँसेको पोेस्टरमा उनको अनुहार देखेको भरमा हलमा ओर्लिने दर्शकको ठूलो भीड तित्तरवित्तर हुन थाल्यो । उनले गुणस्तरमा नभइ संख्यात्मक अभिनयमा जोड दिँदा यो अवस्था सृजना भएको थियो ।
डुब्दै गएको करिअर जोगाउन उनले आफ्नै लगानीमा फिल्म पनि बनाए, ‘कायरा’ । गत वर्ष प्रदर्शनमा आएको यो फिल्मले पनि उनको करिअर किनारा लगाउन सकेन । अन्ततः बाहिरी ब्यानरको फिल्म नगर्ने घोेषणालाई तोड्दै उनी यही बिहीबारबाट प्रदर्शनमा आउन लागेको फिल्म ‘हजार जुनीसम्म’ मा अनुबन्ध भए । विकासराज आचार्य निर्देशित यो फिल्ममाथि उनको अथाह भरोसा छ ।
उनी भन्छन् ‘फिल्मको कथा सरल छ । कुनै झकिझकाउ छैन । परिवारसँग बसेर निर्धक्क हेर्न सकिन्छ । फिल्मको कथा जसरी बुनिएको छ त्यसले दर्शकलाई छुन्छ भन्नेमा म विश्वस्त छु ।’ यो फिल्म आफ्नो जर्नीमा आधारित रहेको उनको भनाई छ । केही दिनदेखि फिल्मको प्रचारमा दिलोज्यान दिएर दौडिरहेका उनीसँग गरिएको संक्षिप्त कुराकानी –
१। तपाईंको करिअरमा ‘हजार जुनीसम्म’ संख्या थपिने फिल्ममात्र बन्ला वा करिअरका लागि फाइदा पनि गर्ला ?
फिल्म गरिसकेपछि संख्या त थपिने भइहाल्यो । तर, ‘हजार जुनीसम्म’ को जुन क्यारेक्टर र स्क्रिप्टको सिनारियो छ त्यसमा एउटा फरक चिज चाहिँ थपिन्छ ।
२। तपाईंले फिल्ममा दुई चरित्र बाँच्नुभएको छ, जवान र अर्धबैंशे । अब चकलेटीभन्दा फरक भूमिका पनि गर्न तयार हुनुभएको हो ?
म पहिलादेखि नै फरक भूमिका गर्न तयार चाहन्थेँ । तर, स्क्रिप्ट पाइनँ । डिफ्रेन्ट जोनमा बसेर काम गर्न जसलाई पनि मन लाग्छ । ‘हजार जुनीसम्म’ मा मेरो पाको उमेरको भूमिका चाहिँ हो । सिद्धान्त क्षेत्री एउटा स्टाइलिस पर्सन नै हो । जीवनमा पाएको पीडाले गर्दा उसलाई पाको बनाएको हो ।
३। विकासराज आचार्यको फिल्म नै रोज्नुको कारण ?
मैले ‘नाईं नभन्नू ल ३’ गर्दा विकास दाई निर्माताको रुपमा हुनुहुन्थ्यो । मुस्कान ढकालले फिल्मको निर्देशन गरेको थियो । त्यो बेला पनि मलाई उहाँसँग काम गर्ने इच्छा थियो । रमाइलोसँग(सँँगै इमोसनल सबै पार्टलाई समेट्ने उहाँको जुन गर्ने शैली छ त्यसले गर्दा पनि म विकास दाईसँग काम गर्न लालायित भएको हुँ । जब मलाई उहाँले क्यारेक्टर सुनाउनु भयो त्यसपछि फिल्म गर्न एक्साइडेट भएँ ।
४। ‘हजार जुनीसम्म’ गर्नुको कारण स्क्रिप्ट थियो वा ब्यानर ?
फिल्मको मेरुदण्ड भनेको स्क्रिप्ट हो । स्क्रिप्ट मन परेपछि ब्यानरले अर्थ राख्छ । राम्रो स्क्रिप्ट भयो भने नयाँ मेकरसँग पनि काम गर्न सकिन्छ । त्यसैले पहिलो च्वाइस चाहिँ स्क्रिप्ट नै हो ।
५। तपाईंले आफ्नो लभर ब्वाईको छवि भत्काउने प्रयास पनि धेरै पटक गर्नुभएको हो । त्यसमा कति सफल भएँ जस्तो लाग्छ ?
म असफल मान्छु । मैले कसैलाई पहिलो फिल्ममा एक्सन मन पराए भने त्यो मान्छेबाट म सधैं एक्सन नै खोजिरहेको हुन्छु । मैले सुरुवातदेखि नै माया आधारित भएको फिल्म गरेँ । एक्सन भए पनि मायामा आधारित थियो । थ्रिल छ भने पनि मायामा बेस्ड थियो । पहिलादेखि नै त्यो चिज मन पराउनुभएको हो ।
बीचमा मैले केही फरक धारका फिल्म गरेको पनि हुँ र समीक्षकले रुचाउनु पनि भएको हो । तर, बोरामा पैसा आएन भने त्यो सफल मानिँदैन । मिडियाले नै लेख्न थाल्छ आर्यनको अर्को असफल फिल्म भनेर । त्यसकारण मलाई जुनमा रुचाउनु भएको छ त्यसमै भेरिएसन दिने प्रयास गरेको छु । मैले लभस्टोरी फिल्म गर्दा मसँगै दर्शक पनि खुसी हुनुहुन्छ ।
६। आत्मसमीक्षा गर्दा आफ्नो प्रयास किन असफल भयो जस्तो लाग्छ ?
कुनै प्रयास सुन्दा राम्रो तर निस्किँदा नराम्रो भएर असफल भए । कुनै सुन्दा पनि राम्रो, निकिँदा पनि राम्रो तर दर्शकलाई विषयवस्तु राम्रो नलागेर असफल भए । मैले गरेको फिल्म ‘माला’ नराम्रो भन्ने कोही पनि थिएनन् । तर, फिल्मले सफलता प्राप्त गरेन । त्यो थ्रिल फिल्म थियो, जुन मेरो जनरा थिएन । सायद दर्शकलाई पनि तानेन । फिल्म असफल हुनुको पछाडि धेरै कारणहरु हुन्छन् । कहिले काहिँ आफ्नो फिल्म रिलिज भएको आफैंलाई समेत थाहा हुँदैन थियो ।
७। अब तपाईंको जर्नी भर्सटालिटी दिन पनि हुन्छ वा लभस्टोरीको जनरामा भेरिएसन दिने प्रयास रहन्छ ?
कमर्शियल रुपमा मलाई जुन रुपमा मन पराउनुभएको छ त्यही चिजलार्ई नै प्राथमिकता दिन्छु । तर, म कलाकार भएको नाताले फरक धारका फिल्म पनि गर्नेछु । चाहे बक्सअफिसमा असफल नै किन नहोस् । कलाकार भएपछि भर्सटालिटी देखाउन पाएँ भने म खुसी हुन्छु । तर, कमर्शियल रुपमा लभस्टोरी जनरालाई बढी प्राथमिकता दिन्छु ।
८। तपाईंलाई स्टारडममाथि कति विश्वास छ ?
म त्यो चिजलाई मान्दै मान्दिनँ । म स्टारडमलाई मानेर त्यसलाई पछ्याउने मान्छे नै होइन । म एउटा कलाकार हुँ । फिल्ममा काम गर्ने जोश छ मसँग । म अभिनय गर्छु । सेलिब्रेटी बनुँ, सधैं स्टार भइराखुँ, सधैं मिडियामा छाइराखुँ भन्ने सोच मलाई कहिल्यै आएन ।
९। स्टारडम निर्माण गर्ने प्रयास त गर्नु सकिन्छ होला नी ?
त्यो निर्माण त भयो होला । मेरो प्रोफेसन नै यही हो भनेपछि स्टारडम निर्माण त हुन्छ होला । तर, त्यो चिजले मलाई चाहिँ छुँदैन । र, म जीवनमा कहिल्यै पनि स्टारडम निर्माणकै लागि प्रयास भने गर्दिनँँ । तर, पहिला जस्तै राम्रो फिल्म गर्ने प्रयास भने गर्नेछु । अब अझ आक्रामक रुपमा जाने सोच छ ।
१०। तपाईंलाई कुनै समय ‘नम्बर वान अभिनेता’ भनिन्थ्यो । त्यो फर्काउने फेरि प्रयास हुन्छ ?
मलाई ‘नम्बर वान’ हुनु छैन । न त मलाई सबैभन्दा धेरै पारिश्रमिक लिनु छ । म के चाहन्छु भने फिल्म राम्रो गर्न पाउँ । मैले गरेको फिल्मले निर्माता सुरक्षित हुन् । मेरो त्यही मात्र सोच हो । म न पहिला आफूलाई ‘नम्बर वान र सुपरस्टार’ ठान्थेँ न भोली हुनेछ । मेरो फिल्म गर्ने शैली पहिला जस्तो थियो त्यो भोलीका दिनमा पनि निरन्तर रहनेछ ।
Related News
सम्बन्धित समाचार
पोखराको चाउथेमा गएराति स्कुटर दुर्घटनामा एक किशोरीको मृत्यु
कालीगण्डकीमा बेपत्ता बौदीकाली २ दिदीबहिनीको शव फेला
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी बोर्डिङका शिक्षकलाई तालिम
hero news full width
मुख्य समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१