फोनिजको स्थापना दिवस : पुराना मानसिकता बदल्नुपर्छ : मेयर

आदर्श समाज सम्वाददाता
श्रावण २८, २०७६
fonij_Fotor

नेपाल आदिवासी जनजाति पत्रकार महासंघ (फोनिज) ले सोमवार २० औं स्थापना दिवस मनाएको छ। दिवस अवसरमा आयोजित समारोहमा बोल्दै पोखरा महानगरपालिकाका प्रमुख मानबहादुर जिसीले देशमा राजनैतिक व्यवस्था परिवर्तन भए पनि देश सञ्चालन गर्नेहरूको मानसिकता भने अझै परिवर्तन नभएको बताएका छन्।

दिवसका अवसरमा फोनिज, गण्डकी प्रदेश समिति र कास्की जिल्ला शाखाले आयोजना गरेको अन्तक्र्रियामा बोल्दै महानगर प्रमुख जिसीले नेपालको संविधानले धेरै कुरा समेटेको बताए। संविधानमा समेटिएका कुरा राज्य सञ्चालकले व्यवहारमा उतार्न नसकेको भन्दै उनले पुरानो मानसिकता परिवर्तनका लागि बाध्यकारी अवस्था सिर्जना गर्नुपर्नेमा जोड दिए।

संविधानमै पूर्ण प्रेस स्वतन्त्रताको ग्यारेन्टी गरिएको भन्दै महानगर प्रमुख जिसीले पत्रकारिता क्षेत्रलाई मर्यादित र व्यवसायिक बनाउनुपर्ने आवश्यकता औंल्याए। पत्रकारिता क्षेत्रमा लागेर अझै पनि बाँच्न सक्ने अवस्था नहुनु दुःखदायी भएको बताउँदै उनले पत्रकारले विकल्प खोज्नुपर्ने अवस्थाको अन्त्य हुनुपर्ने भनाइ राखे। आदिवासी जनजाति पत्रकारहरूलाई आफ्नो मातृभाषामा पत्रकारिता गर्न सुझाव दिँदै महानगर प्रमुख जिसीले आदिवासी जनजातिका भाषा र संस्कृति देशको सम्पत्ति भएको बताए।

‘संवैधानिक व्यवस्था र मिडियामा समावेशी अवस्था’ विषयक सो अन्तक्र्रियामा आफ्नो अवधारणागत प्रस्तुति राख्दै फोनिज गण्डकी प्रदेश इञ्चार्ज हुमबहादुर गुरुङले मिडियामा अझै पनि आदिवासी जनजातिका मुद्दाले उचित स्थान पाउन नसकेको बताए। संविधानमा उल्लेखित मौलिक हकको कार्यान्वयन आवश्यक रहेको भन्दै उनले सरकारले प्रेस स्वतन्त्रता कुण्ठित गर्ने र निरंकुशता लाद्ने प्रयास गरेर त्यो मान्य नहुने भनाइ राखे।

पत्रकार महासंघका केन्द्रीय सदस्य रामकृष्ण ज्ञवालीले सरकारका तर्फबाट मिडिया काउन्सिल विधेयक संशोधन गर्ने प्रतिबद्धता आएकाले पत्रकारको आन्दोलन रोकिएको उल्लेख गर्दै प्रतिबद्धता कार्यान्वयन नभए पुनः पत्रकार महासंघले गर्ने आन्दोलनमा विगतमा जस्तै फोनिजको सहयोग रहने विश्वास व्यक्त गरे।

फोनिजका संस्थापक केन्द्रीय उपाध्यक्ष बालकृष्ण काउछामगरले आफूहरूले फोनिजको स्थापना गरेको पनि २० वर्ष पुगिसकेको भन्दै अब फोनिज युवा अवस्थामा प्रवेश गरेको बताए।

फोनिज, गण्डकी प्रदेशका अध्यक्ष एमबी आस्था मगरको अध्यक्षतामा भएको कार्यक्रममा स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोला, पत्रकार महासंघ कास्की अध्यक्ष दीपेन्द्र श्रेष्ठ, पत्रकार महासंघ गण्डकी प्रदेश उपाध्यक्ष शान्ति गुरुङ, नेपाल आदिवासी जनजाति महासंघ, जिल्ला समन्वय परिषद्, कास्कीका अध्यक्ष धर्म गुरुङ, नेवाः खलः कास्कीका अध्यक्ष अशोक पालिखे, फोनिज, गण्डकी प्रदेशका महासचिव रुद्र श्रीसमगर, कास्की जिल्ला कार्यवाहक अध्यक्ष दिल गुरुङ लगायतले भाषा, संस्कृति संरक्षणका लागि आदिवासी जनजाति पत्रकारहरूको कलम चल्नुपर्ने भनाइ राखे।

त्यसअघि, फोनिजको २० औं स्थापना दिवस लेखिएको केक काटिएको थियो।

Related News

सम्बन्धित समाचार

    • पोखरामा मनाङ मर्स्याङ्दीको होम ग्राउन्ड र एकेडेमी

      धनबहादुर गुरुङ श्रावण १४, २०७८
      पोखरा । ‘ए’ डिभिजन क्लब मनाङ मस्र्याङ्दी (एमएमसी) लाई पोखरा रंगशाला घरेलु मैदानको रुपमा प्रयोग गर्न दिने गरी राष्ट्रिय खेलकुद परिषद्…
    • महानगरका सरसफाइकर्मीलाई स्वास्थ्य सामग्री

      आदर्श समाज सम्वाददाता श्रावण १३, २०७८
      पोखरा । नेपाल विकास समाजले पोखराका सरसफाइकर्मीलाई स्वास्थ्य सामग्रीसहित खाद्यान्न सहयोग गरेको छ । पोखराको दमकल कार्यालयमा कार्यक्रम गरी ६५…
    • प्रेस संयोजक कोइरालालाई बधाई

      आदर्श समाज सम्वाददाता श्रावण १३, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलका प्रेस संयोजक भरत कोइरालालाई प्रेस युनियन कास्कीले बधाई तथा शुभकामना दिएको छ ।…
    • ट्राफिक कार्यालयको सूचना सम्प्रेषण अभियान

      आदर्श समाज सम्वाददाता श्रावण १३, २०७८
      पोखरा । जिल्ला ट्राफिक कार्यालय, कास्कीले सूचना सम्प्रेषण अभियान सुरुआत गरेको छ । कोरोना नियन्त्रण र सवारी दुर्घटना कम गर्न…
    • पर्यटन व्यवसायीले मागे खोप

      आदर्श समाज सम्वाददाता श्रावण १३, २०७८
      पोखरा  । पोखराका पर्यटन व्यवसायीले कोरोनाविरुद्ध खोप माग गरेका छन् । उनीहरुले कोरोनाका कारण थलिएको पर्यटन चलायमान बनाउन तत्कालका लागि ५…

    hero news full width

    Gandaki University

    sanil ads

    wordlink ads