मिडिया कप फुटसल हुने

Avatar आदर्श समाज सम्वाददाता
श्रावण २८, २०७६

पोखरामा पहिलो पटक संचारगृहहरुलाई समेटेर मिडिया कप फुटसल हुने भएको छ।

जक्सन डट कमको आयोजनामा पोखरास्थित सबै खालका आमसंचारसँग आबद्ध संचारकर्मी तथा पत्रकारबीच फुटसल प्रतियोगिताको आयोजना गर्न लागेको सोमवार आयोजित पत्रकार सम्मेलनमा जनाइएको हो।

आउँदो भदौ १० र ११ गते पोखरा गणेशटोलस्थित स्पोर्टस् क्यासलमा फुटसल हुने भएको हो। जक्शन डटकम र १६ प्रोडक्शनको आयोजनामा हुन लागेको प्रतियोगिता फुटसलको व्यावसयिक प्रवद्र्धनसँगै अन्तराष्ट्रिय स्तरका खेलाडीको उत्पादनमा जोड दिएको आयोजक संस्था जक्सन डटकमका निर्देशक अरुण गिरीले जानकारी दिए।

‘मिडिया कपको अको उद्देश्य मिडियाकर्मीहरुबीच भाइचाराको विकास गर्नु पनि हो,’ उनले भने, ‘खेलकुदले भातृत्वको विकास गर्न सबैभन्दा छिटो भूमिका खेल्न सक्छ।

प्रतियोगितामा विभिन्न संचारमाध्यममा कार्यरत पत्रकार, प्रस्तोता, सम्पादक, क्यामरापर्सन लगायतले सहभागिता जनाउन पाउनेछन्। जसमा ३० टिम सहभागिता रहने आयोजकको अनुमान छ।

विजेताले ३५ हजार, उपविजेताले २० हजार नगद, ट्रफी, प्रमाणपत्र र मेडल पुरस्कार पाउनेछ। उत्कृष्ट खेलाडी र अनुशासित टिमले ५ हजार, ट्रफी, प्रमाणपत्र र मेडल पाउनेछ। सर्वाधिक गोलकर्ताले ३ हजार र उत्कृष्ट गोलरक्षकले २ हजार ट्रफी, प्रमाणपत्र र मेडल पाउनेछ।

खेल प्रभावकारी बनाउन पत्रकार महासंघ गण्डकी प्रदेशका अध्यक्ष त्रिभुवन पौडेल प्रमोटरका रुपमा सहभागी हुने भएका छन्। यस्तै खेलका संचालन र आयोजना गर्ने क्रममा फुटसलसँग सम्बन्धित कुनै पनि समस्या परेमा सो को समाधानका लागि खेल विज्ञका रुपम रेफ्री संघ कास्कीका अध्यक्ष तथा फुटसल संघ कास्कीका उपाध्यक्ष सुशील केसीको सहयोग लिइएको गिरीले जानकारी दिएका छन्।

फुटसल प्रतियोगिताको उद्देश्यलाई अझै बढी प्रभावकारी र विस्तारित गराउन नेपाली चलचित्रका अभिनेत्री र पोखराका महिला पत्रकारबीच मैत्रीपूर्ण मिडिया भसेर्स सेलिब्रटी फुटसल प्रतियोगिताको आयोजना गर्ने गिरीले बताए।

तपाइको विचार व्यक्त गर्नुहोस्

हाम्रो सुझाव

आइसीसीको वरीयतामा नेपाल ११ औं स्थानमै यथावत

प्रधान सेनापति ट्रफी प्रतियोगिता शुरु

लामा अमृत फाउन्डेसनद्वारा भलिवल

एभीसी एसियन सेन्ट्रल जोनमा नेपालले पहिलो खेल गुमायो

प्रमुख समाचार

लेकसाइडमा पूरै अप्रेसन गर्न आईजी खनालको निर्देशन

थप प्रमुख समाचार

भतिजीलाई वलत्कार गर्ने पक्राउ

बसको ठक्करबाट साइकल यात्रीको मृत्यु

खुत्रुकेको पैसा आश्रममा

बिश्व फोटोग्राफी दिवस प्रभातफेरी