म्याग्दी ,२७ साउन । ऐतिहासिक प्राचिन धार्मिक ,सांस्कृतिक एवम् पर्यटकीय स्थलको रुपमा परिचित जगन्नाथमा भगवान जगन्नाथको रथयात्रा तथा सरकारी भोज (खिर खाने ) कार्यक्रम सम्पन्न भएको छ । जगन्नाथ मन्दिर गुठी सञ्चालन तथा व्यवस्थापन समितिको आयोजनामा सोमबार म्याग्दीको बेनी नगरपालिका ५ गाजने स्थित भगवान जगन्नाथको रथयात्रा संगै सरकारी भोज खाने कार्यक्रम सम्पन्न भएको हो ।
सिंजा साम्राज्यको पतन पछि कर्णाली प्रदेशमा बाईसे राज्यहरु र गण्डकी प्रदेशमा चौबीसे राज्यहरु आस्तित्वमा आएपछि चौबिसे राज्यमध्ये एतिहासिक पर्वत राज्यका समालबंशी तृतिय मल्लराजा दिलिप बम मल्ल डिम्बले अन्दाजी १५६० तिर भगवान जगन्नाथ मन्दिरको स्थापना गरेको भनाई रहेको छ ।
गण्डकी प्रदेश सभा सदस्य विनोद केसीले भगवान जगन्नाथ एक आफैमा ऐतिहासीक प्राचिन धार्मिक ,एवम् सांस्कृतिक पहिचान बोकेको स्थल भएको बताए । उनले जगन्नाथ क्षेत्रको संरक्षण ,प्रचारप्रसार र प्रवद्र्धन गर्न सकिएमा गाजने क्षेत्र संगै समग्र जिल्लाको धार्मिक एवम् पर्यटकीय क्षेत्रको महिमा बढ्ने बताए । जगन्नाथ क्षेत्रको विकासका लागि लागि आफुले सक्दो पहल गर्ने उद्धघोष समेत व्यक्त गरे ।
जिल्ला समन्वय समितिका प्रमुख देवेन्द्रबहादुर केसीले प्राचिन धार्मिक स्थल भएको बताउँदै पर्यटकीय स्थलको रुपमा विकास गर्नुपर्नेमा जोड दिए । जिल्ला भित्र आझेलमा परेका अन्य ऐतिहासीक धार्मि,सांस्कृतीक तथा पर्यटकीय स्थलको पहिचान तथा प्रबद्र्धन गर्न सकेमा रोजगारीको विकास संगै आर्थिक क्षेत्रमा सहयोग पुग्ने बताए ।
बेनी नगरपालिकाका मेयर हरिकुमार श्रेष्ठले जगन्नाथ नगपालिकाको मात्र नभई समग्र जिल्लाकै एक ऐतिहासीक धार्मिक,सांकृतिक तथा पर्यटकीय क्षेत्र भएकोे बताए । जगन्नाथ क्षेत्र विकासका लागि नगरपालिकाले पर्यटक एवम् भक्तजलाई लक्षित गरी पुर्वाधार निर्माण सुरु गरेको जानकारी दिए । उनले जगन्नाथ क्षेत्रको संरक्षण , प्रवद्र्धन तथा प्रचारप्रसारकार लागि सबैबाट सहयोगको अपेक्षा व्यक्त गरे ।
यसैगरी कार्यक्रममा प्रमुख जिल्ला अधिकारी ज्ञाननाथ ढकाल,जिल्लाको मंगला गाउँपालिका उपप्रमुख श्रृजना केसी ,नेपाली कांग्रेसका उपसभापति माधवप्रसाद रेग्मी ,बेनपा ५ का अध्यक्ष लक्षमण बानियाँ लगयतले बोलेका थिए ।
ऐतिहासीक धार्मिक एवं पर्यटकीय स्थल जगन्नाथ मन्दिरको प्रवद्र्धन तथा प्रचारप्रसार गर्ने उद्धेश्यले कार्यक्रमको आयोजना गरिएको आयोजक समितिका अध्यक्ष राम बहादुर बानियाँले जानकारी दिए । उनका अनुसार हरेक बर्ष साउन महिनाको २७ गते गाजने परिसरमा जगन्नाथको रथयात्रा गरिँदै्र आएको छ ।
ऐतिहासीक प्राचिन पर्वत राज्यका समालवंशी तृतिय मल्लराजा दिलिपबम मल्ल (डिम्ब )ले अन्दाजी १५६० तिर भगवान जगन्नाथ मन्दिरको स्थापना गरेको इतिहासमा उल्लेख रहेको आयोजक समितिका कोषाध्यक्ष रामचन्द्र पौडेलले जानकारी दिए । जगन्नाथको रथयात्राको दिनमा भोज खुवाउने प्रचलनलाई सरकारी भोज भनिएको बताइन्छ । प्राचिन धार्मिक एवं सांस्कृतिक पहिचान बोकेको जगन्नाथ क्षेत्रमा जाँड रक्सी उत्पादन,ब्यापर तथा कुखुरा,सुंगुर पाल्न निषेध गरिएको छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
hero news full width
मुख्य समाचार
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१