पुरुन्चौरमा लायन्स क्लबद्वारा वृक्षरोपण

Avatar आदर्श समाज सम्वाददाता
श्रावण २५, २०७६

हेमजा, २५ साउन।गण्डकी प्रदेशमा क्रियाशील एक सय बढी लायन्स क्लबहरुले शनिवार एक कार्यक्रमका बीच पोखरा–१९, पुरुन्चौर स्थित प्राकृतिक स्रोत व्यवस्थापन क्याम्पस परिषरमा वृक्षरोपण गरेका छन्।

कार्यक्रममा बोल्दै प्रमुख अतिथि डिष्ट्रिक्ट ३२५ बी १ नेपालका पूर्व डिष्ट्रिक्ट गभर्नर धु्रबबहादुर थापाले गण्डकी प्रदेशमा संयुक्त कार्यक्रम गरेको यो पहिलो पटक भएको जानकारी दिर्दै लायन्सले शैक्षिक तथा वातावरणीय क्षेत्रमा पनि कार्य गर्दै आएको बताए ।लायन्स बोल्ने भन्दापनि काम गर्ने संस्था भएको उनको दावी थियो ।

पोखरा १९ का वडाध्यक्ष शोभामोहन पौडेलले लायन्स क्लबको संयुक्त आयोजनामा अनुकरणीय कार्य भएको जनाउँदै लायन्सलाई मानव विकासमा काम गर्ने संस्थाको संज्ञा दिए ।वृक्षारोपण रोपण मात्र हैन वोटविरुवा पनि संरक्षण गर्नुपर्नेमा उनको जोड छ । वडालाई जडिबुटी केन्द्र बनाउने योजनामा आफुहरु रहेको उनले प्रष्ट पारे ।

प्राकृतिक स्रोत व्यवस्थापन क्याम्पसका प्रमुख चन्द्रेश्वर श्रीवास्तवले वृक्षारोपण गरिएको बोटहरुको क्याम्पसले संरक्षण गर्ने प्रतिबद्घता व्यक्त गर्दै त्यसमा क्लवहरुलाई सघाउन अनुरोध गरे ।सिनियर लायन लिडर धुब्र श्रेष्ठले वृक्षरोपणाको निरन्तरता हुनुपर्नेमा जोड दिए।

स्थानीय युवा समाजसेवी इमानराज पौडेलले कुनै क्लब विशेषले कार्यक्रम लिएर आए पुरन्चौरबासी सधै सहयोग गर्न तयार रहेको स्पष्ट पारे । सो अवसरमा लायन्स आदर्श पोखरा सेञ्चुरीका अध्यक्ष झना खड्का, लायन्स लिडर एकनारायण शर्मा लगायतले पनि वृक्षारोपणको महत्वमाथि प्रकाश पारेका थिए ।उनीहरुले वृक्षारोपणले पर्यावरण सन्तुलन र कृषिमा पनि सहयोग गर्ने औँल्याएका थिए ।

उक्त अवसरमा दुई सय ५० फलफूलका विरुवा रोपिएको थियो । त्यस्तै पूर्व डिष्ट्रिक्ट गभर्नर स्व.युक्तप्रसाद श्रेष्ठको सम्झना पनि गरिएको थियो ।कार्यक्रम संयोजक तीर्थलाल श्रेष्ठको अध्यक्षतामा सम्पन्न उक्त कार्यक्रममा लायन्स लिडर एकनारायण शर्माले स्वागत तथा संचालन आयोजक समितिका सदस्य मोतिराज तिम्सिनाले गरेका थिए।

तपाइको विचार व्यक्त गर्नुहोस्

हाम्रो सुझाव

न्यानो कपडा वितरण

जाडोमा न्यानो कपडा

क्यापिटल टाउनको अध्यक्षमा अर्जुन थापा

जन्मदिनमा खाद्यान्न सामग्री वितरण

खानेपानी टंकी निर्माण सम्बन्धी लायन्स क्लबसंग सहमती

प्रमुख समाचार

विश्वकै नमूना धार्मिक स्थल बन्दै रुरुक्षेत्र

थप प्रमुख समाचार

ज्येष्ठ नागरिक मिलन केन्द्रलाई सहयोग

मुख्यमन्त्रीदेखि सांसदसम्मको तलब बढ्यो

पशुपति आश्रममा महायज्ञ

मानवअधिकार उल्लंघनका घटनामा वृद्धि